Hezekeli 34:16 - Siswati 1996 Bible

¹⁶ Ngiyakutifuna letilahlekile, naletedukile ngitibuyise. Letilimele ngiyawutibopha emanceba, ngiticinise emadvolo letibutsakatsaka, kodvwa letesulekile naleticinile ngiyawutibhubhisa. Ngiyakwelusa umhlambi ngemtsetfocotfo.

Hezekeli 34:16 ပူးပေါင်းရင်းမြစ်များ

Lukha 19:10

Phela, iNdvodzana yeMuntfu itewufuna nekusindzisa lokulahlekile.”

Hezekeli 34:4

Anikaticinisi letibutsakatsaka naletigulako, anikatelaphi nabopha nemanceba aletilimele. Letedukile anikatifuni natibuyisa, nangete natifuna naletilahlekile. Nitibuse ngelunya, natiphatsa ngesihluku.

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Hezekeli 34:11

“ ‘Ngobe naku lokushiwo yiNkhosi Simakadze, itsi: Mine ngekwami ngitatifunela letimvu tami, ngitelusele.

Makho 2:17

Jesu wakuva loko watsi kuto: “Akusibo bantfu labaphilile labadzinga inyanga, kodvwa ngulabagulako kuphela. Angiketeli kutawubita labalungile, kodvwa ngitele kubita toni.”

Hezekeli 39:18

Niyawudla inyama yemadvodza lanemandla, ninatse ingati yebabusi bemhlaba, kube shangatsi bekutimvu nemazinyane, timbuti netinkunzi, konkhe kutilwane letikhuluphalisiwe taseBhashani.

Isaya 10:16

Ngako-ke, iNkhosi Simakadze lenguSomandla iyawutfumela sifo lesondzisanako kulabo labanemandla base-Asiriya; ngephansi kwalokutikhukhumeta kwabo kuyakokheleka umlilo, yebo, umlilo lofanana nemalangabi lavutsako.

Isaya 5:17

Timvu tiyakudla kube shangatsi ngusemadlelweni ato; emazinyane etimvu ayakudla emkhatsini wetindzala talabanjingile.

Mikha 7:14

Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Jeremiya 10:24

Awu, Simakadze, ngicondzise, loko ukwente ngemtsetfocotfo wakho kuphela, kungabi ngekwelulaka lwakho, funa ungehlise ngidzimate ngibe lite.

Jeremiya 9:15

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: “Buka la, labantfu ngitabadlisa kudla lokubabako, ngibanatsise emanti lanashevu.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Matewu 15:24

Jesu waphendvula watsi: “Angikatfunyelwa kulomunye umuntfu, kuphela etimvini letilahlekile letingema-Israyeli.”

Jeremiya 50:11

“Njengobe nijabula futsi nitsakase, nine leniphanga lifa lami, njengobe niyatjakadvula njengesitfokati nasibhula kolo, ninhinhile njengetinkunzi temahhashi,

Jeremiya 23:15

Ngako-ke naku lokushiwo nguSimakadze Somandla macondzana nebaphrofethi, utsi: “Ngiyawubenta badle kudla lokubabako banatse nemanti lanashevu, ngobe kusukela kubaphrofethi baseJerusalema kungamesabi Nkulunkulu sekwandze nalo lonkhe live.”

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

Tihlabelelo 147:3

Labanetinhlitiyo letephukile uyabaphilisa, abophe emanceba abo.

Isaya 1:5

Kona nisashayelwani nje? Nisachubekelani nekuhlubuka? Inhloko yenu yonkhe ilimele, nenhlitiyo yenu yonkhe ishayiwe.

Jeremiya 31:8

Buka la, ngiyawubabuyisa besuka eveni lasenyakatfo, ngibagcogce emikhawulweni yonkhe yemhlaba. Emkhatsini wabo kuyawuba netimphumphutse kanye netinchute, bafati labakhulelwe kanye nalasebaphetfwe ngumhelo; kuyawubuya sicumbi lesikhulu.

Jeremiya 50:6

“Bantfu bami babetimvu letilahlekile, belusi bato batedukisile, batenta tasabalala etulu etintsabeni. Babezulazula etikwetintsaba nemagcuma, baze bayikhohlwa nendzawo yabo, lapho baphumula khona.

Hezekeli 20:34

Ngiyawunibuyisa kuleto tive, nginibutse emaveni ngemave, konkhe lapho niyawube nisakatelwe khona, nginibuyise ngesandla lesinemandla nangemkhono locinile, nangekutfululwa kwelulaka.

Zefaniya 3:19

Ngaleso sikhatsi ngiyawubajezisa bonkhe labo lababekucindzetela; labachutako ngiyawubaphephisa, ngibabutse bonkhe labo labebasakatiwe. Ngiyawubadvumisa ngibatisise emhlabeni wonkhe lapho bebahlazeke khona.

Tihlabelelo 72:2

Shangatsi ingehlulela sive sakho ngekulunga, nalabamphofu ibaphatse ngebucotfo.

Jeremiya 23:5

Simakadze utsi: “Ayeta emalanga, lapho ngiyawukuvusela khona Davide Ligala lelilungile, iNkhosi leyawubusa ngekuhlakanipha, yente lokucotfo nalokulungile eveni.

Hezekeli 24:5

khetsa telikhetselo emhlambini wetimvu. Fumbela tinkhuni ngaphansi kwalo wentele lamatsambo, ubase kuze kubile, upheke lamatsambo lasebhodweni.

Mikha 5:3

Ngako Simakadze lesive sakhe uyawusiyekelela etitseni taso, kuze kufike sikhatsi sekutalwa kwendvodzana. Kuyawutsi bonkhe bakubo, labayawube basakatekile batfumbeka, bahlanganiselwe ndzawonye babe sive sinye.

Zakhariya 10:3

Simakadze utsi: “Intfukutselo yami ivutsela belusi, futsi ngitabajezisa baholi; ngobe Simakadze longuSomandla uyawutinakekela timvu takhe, indlu yakaJuda, abente bafanane nelihhashi lelilichalachala emphini.