Hezekeli 34:14 - Siswati 1996 Bible

¹⁴ Ngiyawutelusela edlelweni lelihle, netintsaba letiphakeme taka-Israyeli tiyawuba ngemadlelo ato. Lapho-ke tiyawulala phansi edlelweni lelihle, ngulapho tiyawuklaba khona edlelweni lelineluhlata, etintsabeni taka-Israyeli.

Hezekeli 34:14 ပူးပေါင်းရင်းမြစ်များ

Johane 10:9

Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.

Jeremiya 31:25

Ngiyawubahlumelelisa labo lasebadzangele, ngicinise labo labaphelelwa ngemandla.”

Sembulo 7:16

Bangeke baphindze balambe, bangeke baphindze bome, lilanga lingeke liphindze libahlabe ngekubashisa, kute nome ngayini leyawubashisa.

Hezekeli 34:27

Tihlahla tesiganga tiyawutsela titselo tato, nemhlaba umilise tilimo tawo; bantfu bayawuhlala baphephile eveni labo. Bayawukwati kutsi mine nginguSimakadze, nase ngephula lijoko labo lensimbi, ngibephula etandleni talabo lababagcilatile.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Tihlabelelo 37:3

Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.

Hezekeli 28:25

“ ‘Naku lokushiwo yiNkhosi Simakadze, itsi: Nangibutsa sive saka-Israyeli etiveni, lapho besihlakatelwe khona, ngiyawutibonakalisa ngingcwele emkhatsini waso embikwetive. Siyawube sesihlala eveni lelingelaso, lengaliniketa inceku yami Jakobe.

Hezekeli 28:26

Siyawuhlala lapho siphephile, sakhe tindlu, sihlanyele emasimi emagelebisi; sona siyawuhlala siphephile, nase ngehlisela sijeziso kubo bonkhe bomakhelwane baso labasidlela umona. Ngulapho-ke bayawukwati khona kutsi mine nginguSimakadze Nkulunkulu wabo.’ ”

Hezekeli 34:2

“Ndvodzana yemuntfu, phrofetha umelane nebelusi baka-Israyeli; phrofetha ukhulume kubo, utsi: ‘Naku lokushiwo yiNkhosi Simakadze, itsi: Nako kubelusi baka-Israyeli labatinakekela bona kuphela! Belusi akukafaneli yini kutsi banakekele umhlambi?

Hezekeli 34:26

Ngiyawubusisa tona kanye netindzawo letitungelete ligcuma lami. Ngiyakwehlisa timvula ngesikhatsi sato; kuyawuba netimvula tesibusiso.

Hezekeli 36:9

Ngobe ngihluphekile ngani, futsi ngiyawunibuka ngeluvelo, niyawulinywa nihlanyelwe,

Hezekeli 36:12

Ngiyawukwenta bantfu, lekusive sami ema-Israyeli, kutsi bahambe etikwenu. Nine seniyawuba babo, nibe lifa labo; aniseyiwuphindze nibemuke bantfwababo.

Danyela 11:24

Kuyawutsi emave lanjingile nase ativela kutsi avikelekile, awahlasele, futsi uyakwenta loko ngisho naboyise labangazange sebakwente bona kanye naboyisemkhulu. Uyawukwaba imphango, netimphahla kanye nemcebo emkhatsini webalandzeli bakhe. Uyawukwakha luzungu lwekuketula tinqaba, noko kube kwesikhashana nje.

Numeri 13:18

Hlolisisani kutsi lelo live linjani, nekutsi labantfu labahlala kulo bacinile yini nome babutsakatsaka, nekutsi bambalwa yini nome banyenti.