Hezekeli 33:20 - Siswati 1996 Bible

²⁰ Noko, wenandlu yaka-Israyeli, utsi: ‘Indlela yaSimakadze ayikalungi.’ Kodvwa ngulowo nalowo wenu ngiyakumehlulela ngekwetindlela takhe.”

Hezekeli 33:20 ပူးပေါင်းရင်းမြစ်များ

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Hezekeli 18:25

“Kodvwa nine nitsi: ‘Indlela yaSimakadze ayikalungi.’ Lalelani-ke, ninendlu yaka-Israyeli, ayikalungi yini indlela yami? Angitsi tindlela tenu letingakalungi?

Sembulo 22:12

Jesu utsi: “Lalela la, ngiyeta masinyane! Ngita nemvuzo wami, ngitewunika ngulowo nalowo njengekwemisebenti yakhe.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

Johane 5:29

Labo labente kulunga bayawuvukela ekuphileni, labente lokubi bayawuvukela ekulahlweni.”

Hezekeli 33:17

“Noko bantfu bakini batsi: ‘Indlela yaSimakadze ayikalungi.’ Kodvwa yindlela yabo lena lengakalungi.

Umshumayeli 12:14

Ngobe Nkulunkulu uyakuyehlulela yonkhe imisebenti lesiyentile, ngisho nalokufihlakele lesikwentako, nome kuhle nome kubi.

Taga 19:3

Lomunye umuntfu ulimata imphilo yakhe yonkhe ngebulima bakhe; kodvwa usuka lapho asole Simakadze.

Tihlabelelo 62:12

nekutsi umusa wakho, Simakadze. Ngobe wena umuntfu umnika umvuzo njengekwemisebenti yakhe.

Jobe 34:11

Umuntfu umkhokhela njengaloku entile, ambuyisele njengalokufanele kutiphatsa kwakhe.

Hezekeli 7:8

Sengitawutfululela lulaka lwami etikwakho, ngifeze intfukutselo yami kuwe; ngitakwehlulela njengekutiphatsa kwakho, ngikukhokhele ngangekwetento takho tonkhe letinengekako.

Hezekeli 33:12

“Ngako-ke, ndvodzana yemuntfu, khuluma kulabantfu bakini, utsi: ‘Kulunga kwemuntfu lolungile kungeke kumsindzise nangabe aphambuka, nebubi bemuntfu lomubi bungeke bumente awe, nangabe agucuka kubo. Umuntfu lolungile, nangabe ona, angeke avunyelwe kutsi aphile ngenca yekulunga kwakhe kwakucala.’

Hezekeli 33:19

Kantsi nangabe umuntfu lomubi agucuka ebubini bakhe ente lokucotfo nalokulungile, uyawuphila ngekwenta loko.