Hezekeli 33:2 - Siswati 1996 Bible

² “Ndvodzana yemuntfu, khuluma kubantfu bakini, utsi: ‘Nase ngiletsa inkemba ngimelana nelive lelitsite nebantfu balo, bese bakhetsa indvodza ibe yinye emkhatsini wabo bayente ibe ngumlindzi wabo,

Hezekeli 33:2 ပူးပေါင်းရင်းမြစ်များ

Hezekeli 33:30

“Wena-ke, ndvodzana yemuntfu, bantfu bakini bakhuluma ngawe ngasetindvongeni nangaseminyango yetindlu, bakafana imilomo ngawe, batsi: ‘Wotani nitekuva livi leliphuma kuSimakadze.’

Hezekeli 33:17

“Noko bantfu bakini batsi: ‘Indlela yaSimakadze ayikalungi.’ Kodvwa yindlela yabo lena lengakalungi.

Hezekeli 14:17

“Nome kube bengingaletsa inkemba ngitewumelana nalelo live ngitsi: ‘Lenkemba ayidzabule kulo lonkhe lelo live,’ ngibulale bantfu balo netilwane talo,

Hezekeli 3:11

Hamba nyalo uye kubantfu bakini labatfunjiwe, ufike ukhulume kubo, utsi: ‘Naku lokushiwo yiNkhosi Simakadze,’ nome bayakulalela nome abakulaleli.”

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Hezekeli 3:27

Kodvwa mine nangikhuluma nawe, ngitawuvula umlomo wakho, futsi utabatjela utsi: ‘Naku lokushiwo yiNkhosi Simakadze.’ Lowo loyakuva akeve, nalowo longafuni akale; ngobe bayindlu lehlubukako.”

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

Hoseya 9:8

Umphrofethi utfunyelwe nguNkulunkulu kutsi abe ngumlindzi wa-Efrayimu, noko tingibe timele umphrofethi kuto tonkhe tindlela takhe, nebutsa busendlini yaNkulunkulu wakhe.

Hezekeli 37:18

“Nabakubuta bantfu bakini, batsi: ‘Ungete wasitjela yini kutsi usho kutsini ngaloku?’

Hezekeli 33:12

“Ngako-ke, ndvodzana yemuntfu, khuluma kulabantfu bakini, utsi: ‘Kulunga kwemuntfu lolungile kungeke kumsindzise nangabe aphambuka, nebubi bemuntfu lomubi bungeke bumente awe, nangabe agucuka kubo. Umuntfu lolungile, nangabe ona, angeke avunyelwe kutsi aphile ngenca yekulunga kwakhe kwakucala.’

Hezekeli 33:7

“Ndvodzana yemuntfu, sengikubeke kutsi ube ngumlindzi wendlu yaka-Israyeli; ngako-ke vani livi lengilikhuluma kuwe, ubanike secwayiso lesiphuma kimi.

Hezekeli 14:21

“Ngobe naku lokushiwo yiNkhosi Simakadze, itsi: Kuyawuba kubi kangakanani-ke nangitfumela tehlulelo tami letine letiyawumelana neJerusalema: inkemba, nendlala, netilwane tesiganga kanye nesifo lesibulalanako, kutsi titewubulala bantfu bayo netilwane tayo!

Hezekeli 11:8

Niyayesaba inkemba; ngiyakunehlisela inkemba, kusho iNkhosi Simakadze.

Hezekeli 6:3

‘Awu, tintsaba taka-Israyeli, lalelani livi leNkhosi Simakadze. Naku lokushiwo yiNkhosi Simakadze kini, nine tintsaba nemagcuma, nani mifudlana netihosha, itsi: Sekusedvutane kutsi ngehlisele inkemba etikwenu, futsi ngitatibhubhisa letindzawo tenu letiphakeme tekukhontela tithico.

Jeremiya 51:12

Phakamisani siboniso semphi, ngasetibondzeni taseBhabhulona! Cinisani bogadzi, nimise kahle balindzi, kulalela titsa endleleni! Simakadze utayiphumelelisa injongo yakhe, utakukwenta loko labekukhuluma kubantfu baseBhabhulona.

Jeremiya 25:31

Sidvumo siyawuhokoma sivakale nasemikhawulweni yemhlaba, ngobe Simakadze tive uyawutibeka emacala, uyakwehlulela bonkhe bantfu, lababi abalalise phansi ngenkemba,’ ” kusho Simakadze.

Jeremiya 12:12

Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Levithikusi 26:25

Ngiyawuniletsela imphi itenijezisa ngekwephula kwenu sivumelwane. Niyawutsi nanihlangana emadolobheni enu etindzaweni tekuphepha, bese nginihlasela ngetifo letingelapheki, nivele niphoceleke kutinikela etitseni tenu.

Hezekeli 33:1

Livi laSimakadze lefika kimi, latsi: