Hezekeli 33:14 - Siswati 1996 Bible

¹⁴ Nangabe ngikhuluma kumuntfu lomubi, ngitsi: ‘Ngempela utakufa,’ kodvwa bese uyaphendvuka esonweni sakhe, ente loko lokucotfo nalokulungile,

Hezekeli 33:14 ပူးပေါင်းရင်းမြစ်များ

Hezekeli 18:27

Kodvwa nangabe umuntfu lomubi agucuka ebubini bakhe labentile, ente lokucotfo nalokulungile, lowo uyawusindzisa imphilo yakhe.

Hoseya 14:1

Awu, ma-Israyeli, buyani, nibuyele kuSimakadze Nkulunkulu wenu. Tono tenu ngito letiniwisile.

Hezekeli 33:8

Nangikhuluma kumuntfu lomubi, ngitsi: ‘Awu wena muntfu lomubi, ngempela utakufa,’ wena-ke ungabe usakukhuluma loko kuye kutsi atiyekele tindlela takhe letimbi, lowo muntfu lomubi uyakufa ngenca yesono sakhe, mine-ke ngiyakuyibita kuwe ingati yakhe.

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Taga 28:13

Umuntfu lofihla tono takhe angeke aphumelele; kodvwa lotivumako atishiye uyawutfola umusa.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

Hezekeli 18:21

“Kodvwa nangabe umuntfu lomubi aphendvuka kuto tonkhe tono latentile, agcine tonkhe timiso tami, ente lokucotfo nalokulungile, akasayikufa, uyawuphila.

Jeremiya 4:1

“Awu, Israyeli, nawungamane uphendvuke nje, ubuye kimi,” kusho Simakadze. “Nawungesusa letithico takho letitinengiso, lapha embikwami, ungabe usanhlanhlatseka,

Isaya 3:11

Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.

Hezekeli 13:22

Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,

Hezekeli 33:19

Kantsi nangabe umuntfu lomubi agucuka ebubini bakhe ente lokucotfo nalokulungile, uyawuphila ngekwenta loko.

Hoseya 14:4

“Ngiyawukuphilisa kunhlanhlatsela kwabo, ngibatsandze ngekukhululeka, ngobe intfukutselo yami seyisukile kubo.