Hezekeli 32:30 - Siswati 1996 Bible

³⁰ “Tonkhe tiphatsimandla tasenyakatfo nabo bonkhe baseSidoni balapho; behlela phansi kanye nalabagwaziwe bahlazekile, lite nome kwase kunekwesaba lokwase kubangwe ngemandla abo. Balele bangakasokwa kanye nalabo lababulewe ngenkemba, betfwala lihlazo labo kanye nalabo labehlela emgodzini.

Hezekeli 32:30 ပူးပေါင်းရင်းမြစ်များ

Hezekeli 38:6

kanye neGomeri inawo onkhe emabutfo ayo, neBhethi Togama lengasekugcineni kwasenyakatfo nawo onkhe emabutfo akhona; tive letinyenti tikanye nawe.

Hezekeli 39:2

Ngitakushayisa situngeletane ngikuhudvule. Ngiyawukususa enyakatfo lekhashane, ngikuyise kuyawumelana netintsaba taka-Israyeli.

Hezekeli 38:15

Uyawuchamuka endzaweni yakho lesenyakatfo lekhashane, wena netive letinyenti letikanye nawe, bonkhe bagibele emahhashi, inyakanyaka yemabutfo, imphi lenemandla kakhulu.

Hezekeli 28:21

“Ndvodzana yemuntfu, bhekisa buso bakho ngaseSidoni; uphrofethe umelane nayoy,

Jeremiya 25:26

nawo onkhe emakhosi asenyakatfo, edvutane nakhashane, lenye emvakwalenye, nayo yonkhe imibuso lesebusweni bemhlaba. Kuyawutsi emvakwabo bonkhe inkhosi yaseSheshaki nayo iyawulinatsa.

Jeremiya 25:22

onkhe emakhosi aseThire naseSidoni; emakhosi langaselugwini ngesheya kwelwandle;

Jeremiya 1:15

Sekusedvutane kutsi ngibite tonkhe tive temibuso yangasenyakatfo,” kusho Simakadze. “Emakhosi ato ayakuta, atewumisa tihlalo tawo tebukhosi ekungeneni kwemasango aseJerusalema. Ayakuta ahlasele lonkhe lubondza loluyitungeletile kanye nawo onkhe emadolobha akaJuda.

Hezekeli 26:20

ngulapho-ke ngiyawukwehlisa nawe kanye nalabo labehlela phansi emgodzini, kubantfu basemandvulo. Ngiyawukuhlalisa endzaweni lengaphansi kwemhlaba, njengasetindzaleni takadzeni kanye nalabo labehlela phansi emgodzini, futsi ngeke ubuye nome utewutsatsa indzawo yakho eveni lalabaphilako.

Hezekeli 28:10

Uyawufa kufa kweligwala etandleni tebachamuki. Sengikhulumile, kusho iNkhosi Simakadze.’ ”

Hezekeli 28:23

Ngiyawutfumela sifo lesibulalanako etikwakho, ngigeletise ingati etitaladini takho. Labahlatjiwe bayawusacatekela ekhatsi kuwe, inkemba iyawukuhlasela macala onkhe. Ngulapho-ke bayawukwati khona kutsi mine nginguSimakadze.’ ”