Hezekeli 32:27 - Siswati 1996 Bible

²⁷ Abalali yini kanye nalamabutfo langakasokwa lasabulewe, lehlele phansi ethuneni kanye netikhali tawo temphi, latinkemba tawo tabekwa ngaphansi kwetinhloko tawo? Sijeziso ngetono tawo sahlala ematsanjeni awo, lite nome kwesatjwa kwalamabutfo kwase kulisibekele lelive lalabaphilako.

Hezekeli 32:27 ပူးပေါင်းရင်းမြစ်များ

Jobe 20:11

Emandla ebusha lagcwele ematsanjeni akhe ayawulala kanye naye elutfulini.

Tihlabelelo 109:18

Abembatsa ticalekiso njengengubo, tangena etibilinini takhe njengemanti, nasematsanjeni akhe njengemkantja.

Tihlabelelo 49:14

Banjengetimvu letimele kubulawa, babhekene nekufa. Labacotfo bayawubabusa ngemuso, tidvumbu tabo tibole ethuneni, balahlekelwe nangemakhaya abo.

Tihlabelelo 92:7

kutsi nome lababi bangahluma njengetjani, nato tonkhe tigilamkhuba tichuma, noko tiyawubhujiswa phakadze naphakadze.

Tihlabelelo 92:9

Ngobe nato titsa takho, tiyawubhubha; bonkhe lababi bayawusakatwa.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Isaya 14:16

“Labo labakubonako bayakugolotela bakucaphele, batsi: ‘Utsi lomuntfu ngabe nguye mbamba lona lowake wadvungutelisa umhlaba, wanyakatisa nemibuso?

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Hezekeli 18:20

Umuntfu lowonako nguye loyakufa. Indvodzana ngeke iletfwale licala leyise, futsi neyise ngeke aletfwale licala lendvodzana. Kulunga kwalolungile kuyawukhokhelwa ngalokuhle kuye, nebubi balomubi buyawubitwa kuye.

Hezekeli 26:17

Bayawube sebadzindza sililo macondzana nawe, batsi: “ ‘Awu, dolobha lelidvume kangaka, ubhujiswe kanjani, bewugcwele emadvodza aselwandle! Wawungemandla etikwetilwandle, wena kanye nebantfu labahlala kuwe; wagcwalisa ngekwesaba bonkhe lababehlala lapho.

Hezekeli 32:21

Tingwazi letatinemandla kanye nalabebasitana neGibhithe, bemukela emaGibhithe eveni lalabafile. Bememeta batsi: ‘Labangakasoki sebehlile, sebalele lapha, sebabulewe ngenkemba!’

Hezekeli 32:28

“Awu Faro, nawe futsi utakwephulwa ulale emkhatsini walabangakasoki, labo lababulewe ngenkemba.

Johane 8:24

Ngiko nje ngatsi kini: ‘Nitawufela etonweni tenu, naningakholwa kutsi: “Mine Nginguye leNginguye.” ’ ”

2 kubaseKorinthe 10:4

Tikhali lesilwa ngato akusito telive, kodvwa tikhali taNkulunkulu letinemandla ekubhidlita tinqaba, ticitse tinkhulumo letingenamsebenti.