Hezekeli 32:24 - Siswati 1996 Bible

²⁴ “I-Elamu ilapho, kanye nato tonkhe ticumbi tebantfu bayo labatungelete lithuna layo. Bonkhe bagwaziwe, balahlwa phansi ngenkemba. Bonkhe labo lababange kutfutfumela eveni lalabaphilako behla bangakasoki baya ngaphansi kwemhlaba. Betfwele lihlazo labo kanye nalabo labehlela emgodzini.

Hezekeli 32:24 ပူးပေါင်းရင်းမြစ်များ

Genesisi 10:22

Emadvodzana aShemi bekubo-Elamu, na-Ashuri, na-Aphakshadi, naLudi, na-Aramu.

Genesisi 14:1

Emakhosi lamane: Amrafeli, inkhosi yaseShinari, na-Ariyoki, inkhosi yase-Elasare, naKhedolawomere, inkhosi yase-Elamu, naThidali, inkhosi yetive,

1 Tikhronike 1:17

Emadvodzana aShemi bekubo-Elamu, na-Ashuri, na-Aphakshadi, naLudi, na-Aramu, na-Use, naHuli, naGetheri, naMesheki.

Jobe 28:13

Umuntfu akabucondzisisi bumcoka bako, akutfolakali eveni lalabaphilako.

Tihlabelelo 142:5

Ngikhala kuwe, Simakadze, ngitsi: “Wena usiphephelo sami, nesabelo sami ngisaphila.”

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 38:11

Ngatsi mine: “Angisayiwuphindze ngimbone Simakadze, ngibone Simakadze eveni lalabaphilako. Angisayikuphindze ngibabuke bantfu, nome-ke ngiphindze ngihlale kanye nalabo labahleti kulomhlaba.

Jeremiya 11:19

Bengifanana nelizinyane lemvu lelitfobile liyewuhlatjwa; ngangingati kutsi kantsi bese bente lisu lekungenta silo sengubo, batsi: “Asisibhubhise lesihlahla kanye netitselo taso, asimkhweshise eveni lalabaphilako, kuze libito lakhe lingaphindzi likhunjulwe.”

Jeremiya 25:25

nawo onkhe emakhosi aseZimri, newase-Elamu, newaseMediya;

Hezekeli 16:52

Letfwale-ke lelihlazo lakho, ngobe nguwe lowente tizatfu tabodzadzewenu babonakale shangatsi bona balungile. Ngenca yekutsi tono takho tibe tibi kakhulu kunetabo, bona sebabonakala shangatsi balungile kunawe. Ngako-ke bani nemahloni, uletfwale lelihlazo lakho, ngobe nguwe lowente bodzadzewenu babonakala balungile.’ ”

Hezekeli 16:54

kuze utewuletfwala lelihlazo lakho udliwe ngemahloni ngako konkhe loku lokwentile kwekubadvudvuta.

Hezekeli 26:20

ngulapho-ke ngiyawukwehlisa nawe kanye nalabo labehlela phansi emgodzini, kubantfu basemandvulo. Ngiyawukuhlalisa endzaweni lengaphansi kwemhlaba, njengasetindzaleni takadzeni kanye nalabo labehlela phansi emgodzini, futsi ngeke ubuye nome utewutsatsa indzawo yakho eveni lalabaphilako.

Hezekeli 31:14

Ngako-ke kute letinye tihlahla letingasemantini letiyawuphakama tiye etulu ngekutigcabha, tiphakamisele tihloko tato tengamele emacembe lahlangene. Kute letinye tihlahla letiniselwa kahle letiyawuke tikhule tibe tidze ngangaleso sihlahla; tonkhe timiselwe kufa, tiye ngaphansi kwemhlaba, emkhatsini webantfu lababhubhako, kanye nalabo labehlela emgodzini.

Hezekeli 31:18

“ ‘Ngutiphi taletihlahla tase-Edeni letingalinganiswa nawe ngebukhatikhati nangekuhlonipheka? Noko nawe, futsi, utakwehliswa kanye naletihlahla tase-Edeni niye emhlabeni longaphansi; uyawulala emkhatsini walabebangakasokwa, kanye nalababebulewe ngenkemba. “ ‘Lona nguFaro nato tonkhe tihlwele takhe temabutfo, kusho iNkhosi Simakadze.’ ”

Hezekeli 32:18

“Ndvodzana yemuntfu, lilela ticumbi tebantfu baseGibhithe, bese ubehlisela emhlabeni longaphansi, yona kanye nemadvodzakati etive letinemandla kanye nalabo labehlela emgodzini.

Hezekeli 32:19

Khuluma kubo utsi: ‘Nine nitsandvwe kwendlula labanye yini? Yehlani niyewulaliswa emkhatsini walabangakasoki.’

Hezekeli 32:21

Tingwazi letatinemandla kanye nalabebasitana neGibhithe, bemukela emaGibhithe eveni lalabafile. Bememeta batsi: ‘Labangakasoki sebehlile, sebalele lapha, sebabulewe ngenkemba!’

Hezekeli 32:25

I-Elamu yendlalelwe umbhedze emkhatsini walabagwaziwe, kanye nato tonkhe ticumbi tebantfu bayo letitungelete lithuna layo. Bonkhe abakasokwa, babulewe ngenkemba. Njengobe kutfutfumelisa kwabo sekwandze nelive lonkhe lalabaphilako, betfwele lihlazo labo kanye nalabo labehlela emgodzini; balaliswe emkhatsini walabagwaziwe.

Hezekeli 32:30

“Tonkhe tiphatsimandla tasenyakatfo nabo bonkhe baseSidoni balapho; behlela phansi kanye nalabagwaziwe bahlazekile, lite nome kwase kunekwesaba lokwase kubangwe ngemandla abo. Balele bangakasokwa kanye nalabo lababulewe ngenkemba, betfwala lihlazo labo kanye nalabo labehlela emgodzini.

Hezekeli 34:29

Ngiyawubalungiselela live lelatiwa ngetilimo talo, bangeke baphindze babe kudla kwendlala kulelo live, nome babe yintfo yekwedzelelwa tive.

Hezekeli 36:15

Angisayikwenta uphindze uve kuchukulutwa tive, futsi awusayikubuva buhlungu bekuhlekwa betive nome uwise sive sakho, kusho iNkhosi Simakadze.’ ”

Hezekeli 39:26

Bayakulikhohlwa lihlazo labo nako konkhe kungetsembeki kwabo labakwenta kimi, ngesikhatsi basahleti eveni labo bavikelekile, kute namunye labengabesabisa.

Hezekeli 44:13

Akukafaneli asondzele atengikhonta njengebaphristi nome-ke asondzele nome ngangukutiphi tintfo tami letingcwele nome iminikelo lengcwelengcwele; kufanele aletfwale lihlazo ngaletento tabo letisinengiso.

Danyela 8:2

Embonweni wami ngatibona mine ngisenqabeni yaseSusa esifundzeni sase-Elamu; kulombono ngangiseceleni kwemfula, i-Ulayi.

Habakhuki 2:16

Wena uyawudliwa ngemahloni esikhundleni sekudvunyiswa. Manje-ke selitfuba lakakho! Natsa nawe, ungcunuleke! Lendzebe lesuka esandleni saSimakadze sangasekudla seyijikela ngakuwe, nelihlazo liyawumbonya ludvumo lwakho.

Matewu 11:23

“Nawe-ke Khaphanawume, ucabanga kutsi uyawuphakanyiselwa ezulwini yini? Uyakwehliselwa endzaweni yalabafile, ngobe kube yayentiwe eSodoma imisebenti yemandla leyayentiwe kuwe, ngabe ikhona nalamuhla.