Hezekeli 31:8 - Siswati 1996 Bible8 Imisedari leyayisengadzeni yaNkulunkulu ayizange ikhone kulinganiswa nawo, ngisho netihlahla tetipheshula tatingeke tilingane nemagala awo lamakhulu, ngisho netihlahla tepleni tatingeke tilinganiswe nemagala awo, kute sihlahla engadzeni yaNkulunkulu lebesingalinganiswa nebuhle bawo. အခန်းကိုကြည့်ပါ။ |
Wawuse-Edeni, sivandze saNkulunkulu. Wawuhlotjiswe ngawo onkhe ematje laligugu: ngemarubhi, nangemathophazi, nangema-emeraldi, nangemakhrisolithe, nangema-oniksi, nangemajasiphi, nangemasafire, nangemathekhosi, nangemabherili. Kwekuhlanganisa lamatje akho laligugu nekwekuwanamatsisela kwakwentiwe ngegolide. Kwalungiswa kahle konkhe loko ngelilanga lowadalwa ngalo.
“ ‘Ngutiphi taletihlahla tase-Edeni letingalinganiswa nawe ngebukhatikhati nangekuhlonipheka? Noko nawe, futsi, utakwehliswa kanye naletihlahla tase-Edeni niye emhlabeni longaphansi; uyawulala emkhatsini walabebangakasokwa, kanye nalababebulewe ngenkemba. “ ‘Lona nguFaro nato tonkhe tihlwele takhe temabutfo, kusho iNkhosi Simakadze.’ ”