Hezekeli 31:6 - Siswati 1996 Bible

⁶ Tonkhe tinyoni tasemoyeni takhela tidleke tato emagaleni awo lamakhulu, netilwane tonkhe tesiganga tatalela ngaphansi kwemagala awo; tive tonkhe letikhulu tahlala ngaphansi kwemtfunti wawo.

Hezekeli 31:6 ပူးပေါင်းရင်းမြစ်များ

Matewu 13:32

Yona yincane kakhulu, kepha naseyikhulile iba yinkhulu kunato tonkhe tihlahla, kudzimate kufike netinyoni temoya, takhele tidleke tato emagaleni aso.”

Hezekeli 17:23

ngiwuhlanyele eticongweni tetintsaba letiphakeme taka-Israyeli. Uyawukhipha emagala utsele titselo, ube sihlahla lesihle semsedari. Kuyawukwakhela kuso tinhlobonhlobo tato tonkhe tinyoni, tiyawukhosela emtfuntini wemagala aso.

Danyela 4:21

sinemacembe lamahle netitselo letinyenti, sinekudla kwabo bonkhe, singumtfunti wekuhlala tilwane tesiganga, sinetidleke emagaleni aso kutsi kutekwakhela tinyoni tasemoyeni,

Danyela 4:12

Emacembe aso abemahle netitselo taso titinyenti, lapha kuso bekunekudla kwabo bonkhe. Ngaphansi kwaso tilwane tesiganga tatfola umtfunti wekuphumula, netinyoni tasemoyeni takhela tidleke tato emagaleni aso; tonkhe tidalwa tondliwa kuso.

Makho 4:32

Kepha umuntfu nakayihlanyela emhlabatsini, itsi ingamila, ikhule ibe sihlahla lesikhulu lesiveta emagala lamakhulu lanemtfunti, ngisho netinyoni tesiganga tifike takhe tidleke tato kuso.”

Hezekeli 31:7

Bewuhlonipheka ngebuhle bawo, nemagala awo lamakhulu lenebe, ngobe timphandze tawo tatishone phansi, taya lapho kunemanti lamanyenti khona.

Hezekeli 31:13

Tonkhe tinyoni tasemoyeni tahlala etikwalesihlahla lesiwile, nato tonkhe tilwane tesiganga tabasemkhatsini walamagala awo.

Hezekeli 31:17

Labo labebahlala emtfuntini wawo, tihlobo tawo emkhatsini wetive, nabo behlela nawo ethuneni, bahlangana nalabo lababulewe ngenkemba.

Danyela 4:10

Lena ngimibono lengayibona ngesikhatsi ngisalele embhedzeni wami: Ngatsi ngiyabuka, ngabona embikwami kume sihlahla, sisekhatsi nelive. Budze baso babesabeka.

Tihlabelelo 104:17

tinyoni letakhele tidleke tato kuyo, gilonki wakhela etulu emagaleni ato.