Hezekeli 31:4 - Siswati 1996 Bible

⁴ Emanti awunisela, tiyalu letijulile tawukhulisa, waba mudze; imifudlana yato yayigeleta ngala nangala kwawo, emanti ageleta ngemisele yawo ayawunisela tonkhe tihlahla tesiganga.

Hezekeli 31:4 ပူးပေါင်းရင်းမြစ်များ

Taga 14:28

Bukhosi benkhosi busime ebunyentini bebantfu labayilalelako; ngaphandle kwebantfu ayikho ikhona.

Jeremiya 51:36

Ngako-ke, naku lokushiwo nguSimakadze, utsi: “Buka la, ngiyakuyivikela indzaba yakho, ngikubuyiselele; ngiyakomisa lwandle lwelive lemaBhabhulona ngente imitfombo yalo yome.

Hezekeli 17:5

“ ‘Lwatsatsa letinye tetinhlanyelo telive lenu lwatifaka emhlabatsini lovundzile. Lwatihlanyela njengemnyetane ngasemitfonjeni yemanti,

Hezekeli 17:7

“ ‘Kodvwa kwakukhona lolunye lusweti lolukhulu lolwalunetimphiko letinemandla netinsiba letindze. Lomvini wabhekisa timphandze tawo ngakulo kusuka kulendzawo lapho wawuhlanyelwe khona, wase wenabisa emagala awo, aya kulo kuyawufuna emanti.

Hezekeli 17:8

Wawuhlanyelwe emhlabatsini lomuhle ngasemantini lamanyenti kuze utewuhlumisa emagala, utsele titselo, ube ngumvini lomuhle.’

Sembulo 17:1

Lenye ingilosi kuleti letisikhombisa letatinetitja letisikhombisa yeta kimi, yefike yatsi: “Kota, ngitekukhombisa kwehlulelwa kwalengwadla leyatiwa kakhulu, lehleti emantini lamanyenti.

Sembulo 17:15

Lengilosi yase itsi kimi: “Lamanti lowabonile, lapho kuhleti khona lengwadla, abantfu, nemindeni, netive, netilimi ngetilimi.