Hezekeli 31:3 - Siswati 1996 Bible

³ Cabanga nge-Asiriya, leyake yaba ngumsedari waseLebanoni, lewawunemagala lamahle wengamele lihlatsi; waphakamela etulu kakhulu, sihloko sawo sasingetulu kwemacembe lahlangene.

Hezekeli 31:3 ပူးပေါင်းရင်းမြစ်များ

Tihlabelelo 92:12

Lolungile uhluma njengelisundvu, akhule njengemsedari waseLebanoni.

Isaya 37:24

Ngetigijimi takho umpongise tindvundvuma tetinhlamba kuSimakadze, futsi watsi: ‘Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.

Jeremiya 17:8

Uyawufanana nesihlahla lesihlanyelwe ngasemfuleni wemanti, lesenabisela timphandze taso ngasemfuleni. Asesabi nakuta kushisa, emacembe aso ahlala aluhlata. Asihlupheki nangemnyaka wesomiso, asihlali singatseli titselo taso.”

Jeremiya 50:18

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: “Ngitayijezisa inkhosi yaseBhabhulona nelive layo, njengobe ngajezisa inkhosi yase-Asiriya.

Hezekeli 17:22

“ ‘Naku lokushiwo yiNkhosi Simakadze, itsi: Mine, cobo lwami, ngiyawusincamula etulu sihloko semsedari ngisihlanyele. Ngiyawuhlutfula umdvumba wesihloko sawo losetulu kakhulu ngiwuhlanyele entsabeni lephakeme nalendze,

Hezekeli 19:11

Emagala aso abecinile, alungele nekuba yindvuku yebukhosi. Sakhula saphakama saba ngetulu kwawo onkhe emacembe lamanyenti; sabonakala ngekuphakama kwaso nangemagala aso lamanyenti.

Hezekeli 31:10

“ ‘Ngako-ke naku lokushiwo yiNkhosi Simakadze, itsi: Njengobe wawuphakeme, wengamele onkhe emacembe lahlangene, nanjengobe bewutigcabha ngalobudze bawo,

Hezekeli 31:16

Tive ngatitfutfumelisa ngemsindvo wekuwa kwawo ngesikhatsi ngiwehlisela ethuneni kanye nalabo labehlela emgodzini. Ngako tonkhe tihlahla tase-Edeni, telikhetselo naletinhle kakhulu taseLebanoni, tonkhe tihlahla letatiniselwa kahle, tadvudvuteka emhlabeni longaphansi.

Hezekeli 31:17

Labo labebahlala emtfuntini wawo, tihlobo tawo emkhatsini wetive, nabo behlela nawo ethuneni, bahlangana nalabo lababulewe ngenkemba.

Hezekeli 31:5

Ngako wakhula waya etulu, wengca tonkhe tihlahla tesiganga; emagala awo lamakhulu andza, yebo, emagala akhula aba madze, enaba ngenca yekutfola emanti lamanyenti.

Hezekeli 31:6

Tonkhe tinyoni tasemoyeni takhela tidleke tato emagaleni awo lamakhulu, netilwane tonkhe tesiganga tatalela ngaphansi kwemagala awo; tive tonkhe letikhulu tahlala ngaphansi kwemtfunti wawo.

Hezekeli 31:8

Imisedari leyayisengadzeni yaNkulunkulu ayizange ikhone kulinganiswa nawo, ngisho netihlahla tetipheshula tatingeke tilingane nemagala awo lamakhulu, ngisho netihlahla tepleni tatingeke tilinganiswe nemagala awo, kute sihlahla engadzeni yaNkulunkulu lebesingalinganiswa nebuhle bawo.

Hezekeli 32:22

“I-Asiriya ikhona lapho kanye nayo yonkhe imphi yayo; itungeletwe ngemathuna abo bonkhe lababulewe bayo, bonkhe labo lababulewe ngenkemba.

Danyela 4:10

Lena ngimibono lengayibona ngesikhatsi ngisalele embhedzeni wami: Ngatsi ngiyabuka, ngabona embikwami kume sihlahla, sisekhatsi nelive. Budze baso babesabeka.

Danyela 4:12

Emacembe aso abemahle netitselo taso titinyenti, lapha kuso bekunekudla kwabo bonkhe. Ngaphansi kwaso tilwane tesiganga tatfola umtfunti wekuphumula, netinyoni tasemoyeni takhela tidleke tato emagaleni aso; tonkhe tidalwa tondliwa kuso.

Danyela 4:7

Kwatsi kube tangoma, nebatsebuli, nabosonkhanyeti, netinyanga befike, ngabalandzisa ngaleliphupho, kodvwa behluleka kungichazela lona.

Zefaniya 2:13

Simakadze uyakwelula sandla sakhe amelane nenyakatfo, abhubhise i-Asiriya, iNineve ayishiye ilihlane, yome njengelugwadvule.

Zakhariya 11:1

Awu, Lebanoni, vula iminyango yakho, kuze umlilo utekuyishwabudzela lemisedari yakho!

Zakhariya 11:2

Awu, sihlahla sesipheshula, khala, ngobe umsedari sewuwile; tihlahla letikhulu letinesitfunti setibhujisiwe! Lilani, ma-okhi aseBhashani; lihlatsi lebelenile seligecwe lonkhe!

Tikhulu 9:15

“Sihlahla semanyeva saphendvula letihlahla, satsi: ‘Nanicinisile kutsi nifuna kungibeka inkhosi etikwenu, wotani nitewukhosela emtfuntini wami; kodvwa nakungenjalo, akuphume umlilo esihlahleni semanyeva udle imisedari yaseLebanoni!’