Hezekeli 31:16 - Siswati 1996 Bible

¹⁶ Tive ngatitfutfumelisa ngemsindvo wekuwa kwawo ngesikhatsi ngiwehlisela ethuneni kanye nalabo labehlela emgodzini. Ngako tonkhe tihlahla tase-Edeni, telikhetselo naletinhle kakhulu taseLebanoni, tonkhe tihlahla letatiniselwa kahle, tadvudvuteka emhlabeni longaphansi.

Hezekeli 31:16 ပူးပေါင်းရင်းမြစ်များ

Isaya 14:15

Kodvwa sewehliselwe phansi endzaweni yalabafile, emajukujukwini emgodzi.

Isaya 14:8

Ngisho tipheshula nemisedari yaseLebanoni nayo seyijabula ngawe, Bhabhulona, itsi: ‘Manje, njengaloku sewalaliswa phansi, sekute ngisho namunye umgawuli lotasijuba.’

Jeremiya 50:46

Umhlaba uyawutfutfumela ngemsindvo wekutfunjwa kweBhabhulona; kukhala kwayo kuyawuhokoma emkhatsini wetive.

Hezekeli 14:22

Noko kuyawuba khona insali, emadvodzana nemadvodzakati, leyawukhishwa kuyo. Iyawuta kini, nani niyawutsi nanibona kutiphatsa kwayo netento tayo, bese niyadvudvuteka macondzana nalenhlekelele lengiyehlisele etikweJerusalema, yebo, yonkhe inhlekelele lengiyehlisele etikwayo.

Hezekeli 14:23

Niyawudvudvuteka, nanibona simo sekutiphatsa kwayo netento tayo, ngobe niyawukwati kutsi kute lengikwente ngaphandle kwesizatfu, kusho iNkhosi Simakadze.”

Hezekeli 26:10

Emahhashi akhe ayawuba manyenti kangangekutsi lutfuli lalususako luyawunimbonya. Tibondza takho tiyawudledletela ngenca yemsindvo wemahhashi emphi, netinkalishi, netincola temphi, ngesikhatsi angena emasangweni akho njengebantfu nabangena edolobheni lelitibondza talo tifohliwe.

Hezekeli 26:15

“Naku lokushiwo yiNkhosi Simakadze kuyo iThire, itsi: Akayiwutfutfumela yini emave langaselwandle ngenca yemsindvo wekuwa kwakho, ngesikhatsi labanemanceba babubula bakhala nase babulawa ngenkemba kuwe, Thire?

Hezekeli 27:28

Emave langaselwandle ayawutfutfumela, ngesikhatsi sekukhala kwematilosi akho.

Hezekeli 31:14

Ngako-ke kute letinye tihlahla letingasemantini letiyawuphakama tiye etulu ngekutigcabha, tiphakamisele tihloko tato tengamele emacembe lahlangene. Kute letinye tihlahla letiniselwa kahle letiyawuke tikhule tibe tidze ngangaleso sihlahla; tonkhe timiselwe kufa, tiye ngaphansi kwemhlaba, emkhatsini webantfu lababhubhako, kanye nalabo labehlela emgodzini.

Hezekeli 31:18

“ ‘Ngutiphi taletihlahla tase-Edeni letingalinganiswa nawe ngebukhatikhati nangekuhlonipheka? Noko nawe, futsi, utakwehliswa kanye naletihlahla tase-Edeni niye emhlabeni longaphansi; uyawulala emkhatsini walabebangakasokwa, kanye nalababebulewe ngenkemba. “ ‘Lona nguFaro nato tonkhe tihlwele takhe temabutfo, kusho iNkhosi Simakadze.’ ”

Hezekeli 31:3

Cabanga nge-Asiriya, leyake yaba ngumsedari waseLebanoni, lewawunemagala lamahle wengamele lihlatsi; waphakamela etulu kakhulu, sihloko sawo sasingetulu kwemacembe lahlangene.

Hezekeli 31:8

Imisedari leyayisengadzeni yaNkulunkulu ayizange ikhone kulinganiswa nawo, ngisho netihlahla tetipheshula tatingeke tilingane nemagala awo lamakhulu, ngisho netihlahla tepleni tatingeke tilinganiswe nemagala awo, kute sihlahla engadzeni yaNkulunkulu lebesingalinganiswa nebuhle bawo.

Hezekeli 31:9

Ngawenta waba muhle ngemagala lamanyenti, wahawukelwa ngito tonkhe tihlahla tase-Edeni ensimini yaNkulunkulu.

Nahume 2:3

Emahawu emabutfo etitsa abovu, emabutfo avunule lokubovu ngalobutopele, tinsimbi letisetincoleni temphi tiyamanyatela ngelilanga lekulungiswa kwato; tikhali tawo tiyamengetela.

Habakhuki 2:17

Lobudlova lobente kuyo iLebanoni buyawukwehlula, nekubhubhisa kwakho tilwane kuyawukwesabisa. Ngobe ucitse ingati yebantfu, wabhubhisa emave nemadolobha kanye nabo bonkhe labebahlala kuwo.

Hagayi 2:7

Ngitawunyakatisa tonkhe tive, nako konkhe lokulangatelelwa tive tonkhe kutawufika, ngitawugcwalisa lendlu ngenkhatimulo,’ kusho Simakadze longuSomandla.

Sembulo 11:13

Ngaso leso sikhatsi kwaba khona kutamatama lokukhulu kwemhlaba, incenye yelishumi yelidolobha yabhidlika. Kwafa bantfu lababeti-7 000 kuloko kutamatama, laba labanye batfutfumela badvumisa Nkulunkulu welizulu.