Hezekeli 31:12 - Siswati 1996 Bible

¹² kwase kutsi tive tangaphandle letinelunya kakhulu tawujuba, tase tiyawushiya. Emagala awo lamakhulu awela etintsabeni nasetigodzini tonkhe; emagala awo asala phansi ephukile kuto tonkhe tihosha telive. Tonkhe tive temhlaba taphuma ngaphansi kwemtfunti wawo, tawushiya.

Hezekeli 31:12 ပူးပေါင်းရင်းမြစ်များ

Hezekeli 28:7

ngako-ke ngitawuvusa tive tikuhlasele, tive letinelulaka nelunya kakhulu, tiyawukhokha tinkemba tato titibhekise ngasebuhleni bakho nangasekuhlakanipheni kwakho, tigwaze bukhatikhati beludvumo lwakho.

Hezekeli 30:11

Yena nemphi yakhe, bantfu labanelunya lolukhulu etiveni tonkhe, bayawuletfwa batewubhubhisa live. Bayawukhokha tinkemba tabo batibhekise eGibhithe, bagcwalise live ngetidvumbu talabagwaziwe.

Hezekeli 30:12

Ngiyakomisa imifudlana yaseNayili, ngitsengise live kubantfu lababi; ngetandla tebachamuki live ngiyawulibhubhisa nako konkhe lokukulo. Mine Simakadze sengikhulumile.

Hezekeli 31:17

Labo labebahlala emtfuntini wawo, tihlobo tawo emkhatsini wetive, nabo behlela nawo ethuneni, bahlangana nalabo lababulewe ngenkemba.

Hezekeli 32:12

Ticumbi tebantfu bakho ngiyawutilahla phansi ngetinkemba temachawe lanemandla, yebo, emachawe lanelunya kwendlula tonkhe tive. Umgcabho waseGibhithe ayakuwuphihlita, kutsi tonkhe ticumbi tebantfu bayo tiketulwe.

Hezekeli 35:5

“ ‘Njengobe wafukamela butsa bakadzeni, wanikela ema-Israyeli enkembeni ngesikhatsi senhlekelele yawo, ngesikhatsi sesijeziso sawo sekuphela, ehlulelwa ngenca yalokubi kwawo,

Hezekeli 35:8

Tintsaba takho ngiyawutigcwalisa ngalabo labagwaziwe; yebo, labo lababulewe ngenkemba bayakuwa etikwemagcuma akho, nasetihosheni takho, nakuyo yonkhe imifudlana yakho.

Hezekeli 39:4

Uyakuwa etintsabeni taka-Israyeli, wena kanye nawo onkhe emabutfo akho netive letikanye nawe. Ngiyawukwenta ube kudla kuto tonkhe tinhlobonhlobo tetinyoni letidla letinye tilwane, nasetilwaneni tesiganga.

Hezekeli 7:21

Ngiyawukunikela konkhe kube yimphango yebetive nentfo lephangwe ngulababi bemhlaba, futsi bayawukungcolisa.

Danyela 4:11

Lesihlahla sakhula saba sikhulu, sacina futsi, sihloko saso saze satsintsa sibhakabhaka, sasibonakala emhlabeni wonkhe jikelele.

Habakhuki 1:11

Bese sishulungana sendlulele embili njengemoya, emadvodza lanemacala, lamandla awo angunkulunkulu wawo.”

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.

Sembulo 17:16

Letimphondvo letilishumi lotibonile nesilo tiyawuyitondza lengwadla; tiyawukutsatsa konkhe lenako tiyishiye ingcunu, tidle inyama yayo, tiyishise ngemlilo.