Hezekeli 31:11 - Siswati 1996 Bible

¹¹ ngawuniketela etandleni tembusi wetive, kuze kutsi yena atewuphatsa ngaleyo ndlela yebubi bawo. Ngawukhweshisela eceleni,

Hezekeli 31:11 ပူးပေါင်းရင်းမြစ်များ

Genesisi 3:24

Wamkhipha lo-Adamu; kwase kutsi ngasemphumalanga nensimi yase-Edeni wabeka emakherubhi kanye nenkemba lenelilangabi lephendvuphendvukako ilindze indlela leya esihlahleni sekuphila.

Tihlabelelo 119:126

Simakadze, sesikhatsi sakho sekutsi utsatse tinyatselo, ngobe umtsetfo wakho uyephulwa.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 50:18

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: “Ngitayijezisa inkhosi yaseBhabhulona nelive layo, njengobe ngajezisa inkhosi yase-Asiriya.

Sililo 1:21

“Bantfu bakuvile kububula kwami, kodvwa kute namunye longidvudvutako. Tonkhe titsa tami tivile ngekuhlupheka kwami. Tiyajabula ngaloko lokwentile. Mane sale uliletsa lelilanga lowalimemetela, kuze nabo batewuba njengami.

Hezekeli 11:9

Ngitanikhipha kulelidolobha, ngininiketele etandleni tebetive nginijezise.

Hezekeli 21:31

Ngiyawulutfululela etikwakho lulaka lwami, ngikuphefumulele ngentfukutselo yami levutsako. Ngiyawukwetfula etandleni tebantfu labanelunya, bantfu labanelikhono lekubhubhisa.

Hezekeli 23:28

“Ngobe naku lokushiwo yiNkhosi Simakadze, itsi: Sengitakunikela kulabo lobatondzako, labo loncandzeke wesuka kubo ujabhile.

Hezekeli 30:10

“ ‘Naku lokushiwo yiNkhosi Simakadze, itsi: “ ‘Ngiyawuticedza leticumbi taseGibhithe, ngitibulale ngesandla saNebukhadnezari, inkhosi yaseBhabhulona.

Hezekeli 30:11

Yena nemphi yakhe, bantfu labanelunya lolukhulu etiveni tonkhe, bayawuletfwa batewubhubhisa live. Bayawukhokha tinkemba tabo batibhekise eGibhithe, bagcwalise live ngetidvumbu talabagwaziwe.

Nahume 3:18

Awu, mbusi wase-Asiriya, belusi bakho bayetela, kantsi netakhamiti takho letihloniphekile setilele kokuphela. Bantfu bakho basakateke bagcwala tintsaba, kute nalongahle abagcogce babuye ekhaya.

Dutheronomi 18:12

Wonkhe umuntfu lowenta letintfo usinengiso kuSimakadze, ngako-ke ngenca yalentintfo letisinengiso Simakadze Nkulunkulu wenu tonkhe letive uyawutikhipha aticoshe nisengakefiki nine.

1 kuThimothi 1:20

Labanye babo nje boHumenayosi na-Alekzanda lesengibanikele kuSathane kutsi batewufundza kungamhlambalati Nkulunkulu.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Tikhulu 1:7

Adoni Bhezeki wakhuluma watsi: “Emakhosi langema-70 labejutjwe titfupha tawo kanye naboqukulu bawo abevame kubutsa timvutfuluka ngaphansi kwelitafula lami. Nyalo Nkulunkulu sewungibuyisele ngaloko lengakwenta kubo.” Beta naye eJerusalema, wafike wafela lapho.

Tikhulu 16:23

Baholi bemaFilisti babutsana ndzawonye batekwenta lidzili lelikhulu lekwenta umhlatjelo lomkhulu kuDagoni, sithico sabo, batewubonga kuso, batsi: “Sithico setfu sinikele Samsoni, sitsa setfu, etandleni tetfu.”