Hezekeli 30:24 - Siswati 1996 Bible

²⁴ Ngiyakuyicinisa imikhono yenkhosi yaseBhabhulona, ngifake inkemba yami esandleni sayo, kodvwa yona imikhono yaFaro ngiyakuyigamula. Uyawububula embikwenkhosi yaseBhabhulona njengemuntfu phaca logwaziwe.

Hezekeli 30:24 ပူးပေါင်းရင်းမြစ်များ

Nehemiya 6:9

Bonkhe babetama kusesabisa bacabanga batsi: “Tandla tabo titawuba butsakatsaka tingabe tisasebenta, lomsebenti ungabe usaphela.” Kodvwa ngathandaza ngatsi: “Nkulunkulu, cinisa tandla tami.”

Jobe 24:12

Kuquma kwalabafako kuvakala edolobheni, nemiphefumulo yalabalimele ikhalela kusitwa. Kodvwa Nkulunkulu kute lambeka licala ngaloko lokubi lokwentiwe.

Tihlabelelo 144:1

Akabongwe Simakadze lolidvwala lami, lowente tandla tami tafundzela kuhlasela neminwe yami yafundzela kulwa.

Tihlabelelo 17:13

Vuka Simakadze! Hlangabeta lomubi umlahle phansi. Sindzisa umphefumulo wami kuye ngenkemba yakho.

Tihlabelelo 18:32

Nguye loNkulunkulu longihlomisa ngemandla, ente indlela yami icondze, ibe msulwa.

Tihlabelelo 18:39

Wangihlomisa ngemandla ekulwa imphi. Titsa tami watitfobisa ngaphansi kwami.

Isaya 10:15

Lizembe liyatiphakamisa yini lona, libe ngetulu kwalowo lolijikitisako? Lona lisaha liyamhhongela yini lolisebentisako? Kube shangatsi umzaca bewungamjikitisa lowo lowuphetse nome sagila singamjikitisa lowo longesiso sigodvo!

Isaya 45:1

“Naku lokushiwo nguSimakadze kulogcotjiwe wakhe, kuKhuresi, lengibambe sandla sakhe sangasekudla, ngentela kwehlula tive embikwakhe, ngemuke emakhosi tikhali tawo, ngivule neminyango embikwakhe, kuze emasango angetiwuvalwa, ngitsi kuye:

Isaya 45:5

NginguSimakadze, futsi kute lomunye, ngaphandle kwami kute Nkulunkulu; ngiyawukuhlomisa, wena ungakangemukeli nje,

Jeremiya 51:52

“Kodvwa ayeta emalanga, lapho ngiyawujezisa khona tithico tayo, kulo lonkhe live layo labalimele bayawububula,” kusho Simakadze.

Hezekeli 26:15

“Naku lokushiwo yiNkhosi Simakadze kuyo iThire, itsi: Akayiwutfutfumela yini emave langaselwandle ngenca yemsindvo wekuwa kwakho, ngesikhatsi labanemanceba babubula bakhala nase babulawa ngenkemba kuwe, Thire?

Hezekeli 29:19

Ngako-ke naku lokushiwo yiNkhosi Simakadze, itsi: Ngitawunikela iGibhithe kuNebukhadnezari, inkhosi yaseBhabhulona, uyawutfumba umcebo wayo. Uyawuphanga atfumbe ingcebo yalelive kube yinkhokhelo yemabutfo akhe.

Hezekeli 30:10

“ ‘Naku lokushiwo yiNkhosi Simakadze, itsi: “ ‘Ngiyawuticedza leticumbi taseGibhithe, ngitibulale ngesandla saNebukhadnezari, inkhosi yaseBhabhulona.

Hezekeli 30:11

Yena nemphi yakhe, bantfu labanelunya lolukhulu etiveni tonkhe, bayawuletfwa batewubhubhisa live. Bayawukhokha tinkemba tabo batibhekise eGibhithe, bagcwalise live ngetidvumbu talabagwaziwe.

Hezekeli 30:21

“Ndvodzana yemuntfu, ngiwephulile umkhono waFaro, inkhosi yaseGibhithe. Bewungakaboshelwa kutsi uphiliswe, futsi ungakasinyiswa nangetindvuku kuze ucine ngalokwenele kutsi ubambe inkemba.

Hezekeli 30:25

Ngiyakuyicinisa imikhono yenkhosi yaseBhabhulona, kodvwa imikhono yaFaro iyawulenga ijikite. Ngulapho-ke bayawukwati khona kutsi mine nginguSimakadze, mzukwana ngibambisa inkhosi yaseBhabhulona inkemba yami ngesandla sayo, iyijikitisele bona baseGibhithe.

Zefaniya 2:12

“Nani futsi, maKushe, niyawubulawa ngenkemba yami.”