Hezekeli 30:19 - Siswati 1996 Bible

¹⁹ Ngako ngiyakwehlisela sijeziso eGibhithe, futsi bayawukwati kutsi mine nginguSimakadze.’ ”

Hezekeli 30:19 ပူးပေါင်းရင်းမြစ်များ

Tihlabelelo 149:7

Khona batewuphindzisela kubetive, bajezise nebahedeni,

Tihlabelelo 9:16

Simakadze sewutibonakalisile, wakhipha sigwebo sakhe, lababi babanjwa ngumsebenti wetandla tabo. Cabanga.

Hezekeli 25:11

iMowabi yona ngiyakuyishaya ngesijeziso. Ngulapho-ke bayakungati khona kutsi mine nginguSimakadze.’ ”

Hezekeli 28:22

utsi: ‘Naku lokushiwo yiNkhosi Simakadze, itsi: “ ‘Awu, Sidoni, ngiyemelana nawe, futsi ngitawutibutsela ludvumo ngawe. Bayawukwati kutsi mine nginguSimakadze, nangehlisela sijeziso etikwakho, ngitikhombise mine ngingcwele ekhatsi kuwe.

Hezekeli 30:14

IPhathrosi ngiyakuyenta ibe lihlane, iSoyani ngiyilumeke ngemlilo, iThebesi ngiyehlisele sijeziso.

Hezekeli 32:15

Ngiyawutsi nase ngenta iGibhithe ibe lihlane, live ngilihlubule konkhe lelinako, nase ngibashaya bonkhe labaphilako lapho, ngulapho-ke bayawukwati khona kutsi mine nginguSimakadze.’

Hezekeli 39:21

“Ngiyawubonakalisa bukhosi bami emkhatsini wetive, tonkhe tive tiyawusibona sijeziso sami kuto nesandla sami lengisibeka etikwato.

Hezekeli 5:15

Uyawuba lihlazo, nesihhala, nesecwayiso, nentfo leyesabisako kuletive letikutungeletile, nase ngikwehlulela ngentfukutselo, nangelulaka, nangekutsetsisa lokubuhlungu. Mine, Simakadze, sengikhulumile.

Hezekeli 5:8

“Ngako-ke naku lokushiwo yiNkhosi Simakadze, itsi: Mine, matfupha, ngimelene nawe, Jerusalema, futsi ngiyawukushaya ngesijeziso embikwato letive tibukile.

Numeri 33:4

EmaGibhithe abengcwaba ematubulo awo onkhe labeshaywe nguSimakadze emkhatsini wawo; ngobe Simakadze abebehlulele bonkhe bonkulunkulu bawo.

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

Sembulo 17:1

Lenye ingilosi kuleti letisikhombisa letatinetitja letisikhombisa yeta kimi, yefike yatsi: “Kota, ngitekukhombisa kwehlulelwa kwalengwadla leyatiwa kakhulu, lehleti emantini lamanyenti.