Hezekeli 29:11 - Siswati 1996 Bible

¹¹ Kute lunyawo lwemuntfu nome lwesilwane loluyawunyatsela kulo. Kute loyawuhlala kulo kuze kuphele iminyaka lengema-40.

Hezekeli 29:11 ပူးပေါင်းရင်းမြစ်များ

Hezekeli 32:13

Ngiyakutibhubhisa tonkhe tinkhomo tayo eceleni kwemanti lamanyenti, langaseyiwuphindze anyakatiswe lunyawo lwemuntfu, nome advungwe tinselo tetinkhomo.

Danyela 9:2

ngemnyaka wakhe wekucala abekiwe, mine Danyela ngafundza ngeva kahle emiBhalweni njengekwelivi laSimakadze kuJeremiya, umphrofethi, kutsi kubhidlitwa kweJerusalema kuyawutsatsa iminyaka lengema-70, lapho iyawusala khona ikhala libhungane.

Hezekeli 36:28

Niyawuhlala eveni lengalipha boyihlomkhulu, niyawuba sive sami, mine ngibe nguNkulunkulu wenu.

Hezekeli 33:28

Live ngiyawulenta libe lihlane lelingenalutfo, nemandla abo labebatigcabha ngawo ayakuphela atsi nya, tintsaba taka-Israyeli tiyakuba sikhotsa, kangangekutsi kubete nalowengca kuto.

Hezekeli 31:12

kwase kutsi tive tangaphandle letinelunya kakhulu tawujuba, tase tiyawushiya. Emagala awo lamakhulu awela etintsabeni nasetigodzini tonkhe; emagala awo asala phansi ephukile kuto tonkhe tihosha telive. Tonkhe tive temhlaba taphuma ngaphansi kwemtfunti wawo, tawushiya.

Jeremiya 29:10

“Naku lokushiwo nguSimakadze, utsi: ‘Naseyiphelile iminyaka lengema-70 yeBhabhulona, ngitawufika kini ngitewugcwalisa setsembiso sami semusa kutsi nginibuyise kulendzawo.

Isaya 23:17

Ekupheleni kweminyaka lengama-70, Simakadze utayihambela iThire. Itawubuyela emsebentini wayo webugwadla, yonkhe imibuso yemhlaba itawugwadla nayo.

Isaya 23:15

Ngaleso sikhatsi iThire iyawukhohlakala iminyaka lengema-70, sikhatsi lesingangekuphila kwenkhosi. Kodvwa ekupheleni kwaleminyaka lengema-70, iThire iyawuba njengengwadla kulengoma letsi:

2 Tikhronike 36:21

Live lase lijabula ngekuphumula kwangemaSabatha, ngaso sonkhe leso sikhatsi sekulahlwa kwalo, laphumula, kwaze kwaphela leminyaka lengema-70, kwagcwaliseka livi laSimakadze labelikhulume ngemlomo wemphrofethi Jeremiya.

Isaya 34:10

Singeke sicinywe ebusuku nasemini, intfutfu yaso iyawubhunya phakadze naphakadze, kusukela etitukulwaneni kuye etitukulwaneni live liyawuhlala lilihlane, kute namunye loyawuphindza adzabule ekhatsi kulo.

Jeremiya 9:10

Ngiyawukhala ngililele tintsaba, ngikhihlite sililo ngenca yemadlelo asehlane. Alahliwe omile akasahanjwa ngumuntfu, nekubhonsa kwetinkhomo akusevakali. Tinyoni tasemoyeni setibalekile, netilwane tihambile.

Jeremiya 46:19

Butsani timphahla tenu tekudzingiswa, nine lenihlala eGibhithe, ngobe iMemfisi iyawusala yodvwa isale ingemabolela langasahlali muntfu.