Hezekeli 28:5 - Siswati 1996 Bible

⁵ Ngebuchwephesha bakho ekutsengiseni ubandzisile bunjinga bakho; nangenca yebunjinga bakho inhlitiyo yakho seyikhukhumukiswe ngumgcabho.

Hezekeli 28:5 ပူးပေါင်းရင်းမြစ်များ

Tihlabelelo 62:10

Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.

Tihlabelelo 52:7

“Ase nibuke, naso phela sichwaga lesingazange simente Nkulunkulu abe yinqaba yaso, kodvwa setsembela ebunyentini bengcebo yaso, sifuna kuba nemandla ngebunyoka baso.”

Hoseya 13:6

Ngatsi nangibondla emadlelweni lamahle, besutsa; batsi kube besutse, base bayatigabatisa, base bayangikhohlwa.

Hezekeli 28:2

“Ndvodzana yemuntfu, shano kumbusi waseThire, utsi: ‘Naku lokushiwo yiNkhosi Simakadze, itsi: “ ‘Ukhuluma ngekutigcabha enhlitiyweni yakho, utsi: “Mine ngingunkulunkulu; ngihlala esihlalweni sebukhosi sankulunkulu ekhatsi nekhatsi elwandle.” Kodvwa ungumuntfu, awusiye nkulunkulu, nome nje uticabanga kutsi uhlakaniphe njengankulunkulu.

Taga 11:28

Umuntfu loncike ebunjingeni bakhe utakuwa; kodvwa lolungile uyawuhluma njengemacembe laluhlata.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.

KubaseRoma 12:16

Nibambisane ngamoya munye nonkhe. Ningafisi lokuphakeme, kodvwa nibe nebudlelwane nalabatfobekile. Ningacabangi kutsi nihlakaniphile.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Isaya 5:21

Maye kulabo labatibona bahlakaniphile emehlweni abo, batibone bona kutsi bahlakaniphile.

Taga 26:12

Wake wambona kambe umuntfu locabanga kutsi uhlakaniphile? Silima sincono kakhulu kunaye.

Zakhariya 9:3

IThire yona seyitakhele inqaba; seyicokelele isiliva kwaba shangatsi lutfuli, negolide njengeludzaka lwasesitaladini.

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”

Hezekeli 16:49

“ ‘Manje-ke, lesi bekungusona sono sadzadzewenu Sodoma: Yena nemadvodzakati akhe babetigcabha, bondleke kakhulu bangenandzaba nalutfo, babengabasiti labamphofu nalabeswele.

Isaya 23:8

Ngubani lowahlela lokulwa neThire, lidolobha lebukhosi, lelibahwebi balo batikhulu, nebatsengisi balo bahlonishwa emhlabeni wonkhe?

Isaya 23:3

Sivuno salokutinhlavu sesigodzi semfula iNayili sefika ngelwandle, saba sivuno saseThire; kwatsi ngaso iThire yatsengiselana netive.

Taga 30:9

Nangingaba nako kube kunyenti, ngingahle ngicabange kutsi wena angisakudzingi, ngidzimate ngitsi: “Ngubani yena loSimakadze?” Nome-ke nangingaba luphuya, ngingahle ngebe, ngaloko ngihlazise Nkulunkulu wami.

2 Tikhronike 25:19

Utitjela kutsi njengobe wehlule baka-Edomu nje, sewulutfo, sewuyatigabatisa. Wena hlala phansi lapho kakho. Utibitelelani kuhlupheka, utidvonsele wena kuwa kwakho, kanye nekwesive sonkhe sakaJuda?”

Jeremiya 49:4

Nitishayelani tifuba ngenca yetigodzi tenu, nitigabatise ngetigodzi tenu letitselako? Awu, ndvodzakati lengaketsembeki, wetsembela ebunjingeni bakho utsi: ‘Ngubani lotangihlasela?’

Dutheronomi 8:17

Wena ungatitjela utsi: ‘Ngemandla ami netikhwepha temikhono yami letingikhitsitele wonkhe lomcebo.’

2 Emakhosi 14:10

Liciniso kutsi uyehlulile i-Edomu, nguko nje sewutikhukhumeta kangaka. Ludvumo alube kuwe ngekuncoba kwakho, kodvwa wena hlala phansi lapho kakho! Utibitelelani kuhlupheka, utidvonsele wena kuwa kwakho kanye nekwesive sonkhe sakaJuda?”

Tihlabelelo 62:11

Nkulunkulu ukhulume kanye, ngeva kwaba kubili: kutsi emandla ngakho, Nkulunkulu,

Hezekeli 28:17

Inhlitiyo yakho yakhukhumuka ngenca yebuhle bakho, wona buhlakaniphi bakho ngenca yekucwebetela kwakho. Ngako ngase ngikulahlela emhlabeni, ngakwenta inhlekisa embikwemakhosi.

Danyela 11:12

Kuyawutsi imphi nase itfunjiwe, inkhosi yaseningizimu ikhukhumuke ngeligcabho, ibulale tinkhulungwane ngetinkhulungwane, noko ngeke ihlale ingungcongcoshe.