Hezekeli 28:23 - Siswati 1996 Bible

²³ Ngiyawutfumela sifo lesibulalanako etikwakho, ngigeletise ingati etitaladini takho. Labahlatjiwe bayawusacatekela ekhatsi kuwe, inkemba iyawukuhlasela macala onkhe. Ngulapho-ke bayawukwati khona kutsi mine nginguSimakadze.’ ”

Hezekeli 28:23 ပူးပေါင်းရင်းမြစ်များ

Jeremiya 15:2

Nabakubuta, batsi: ‘Sitawuyaphi?’ batjele utsi: ‘Naku lokushiwo nguSimakadze, utsi: “ ‘Labo labamiselwe kufa, ekufeni; labo labamiselwe inkemba, enkembeni, labo labamiselwe indlala, endlaleni, labo labamiselwe kutfunjwa, ekutfunjweni.’ ”

Jeremiya 51:52

“Kodvwa ayeta emalanga, lapho ngiyawujezisa khona tithico tayo, kulo lonkhe live layo labalimele bayawububula,” kusho Simakadze.

Hezekeli 21:14

“Ngako phrofetha, ndvodzana yemuntfu, ugcizelele ngekushaya tandla. Inkemba ayigadle kabili nakatsatfu. Yinkemba yekugwaza, yinkemba yekugwaza lokukhulu, lebavimbetela ndzawo tonkhe.

Hezekeli 21:16

Awu nkemba, gawula ubheke ngesekudla, bese uya ngesancele, nome ngukuphi lapho kudla kwakho kubheke ngakhona.

Hezekeli 25:11

iMowabi yona ngiyakuyishaya ngesijeziso. Ngulapho-ke bayakungati khona kutsi mine nginguSimakadze.’ ”

Hezekeli 25:17

Ngiyakwehlisela imphindziselo lenkhulu etikwawo, ngiwajezise ngelulaka lwami. Ngulapho-ke bayawungati khona kutsi mine nginguSimakadze, nase ngehlisela imphindziselo etikwawo.’ ”

Hezekeli 25:7

ngako-ke ngiyakwelula sandla sami ngimelane nawe, ngikunikele kutsi ube yimphango yetive. Ngiyawukkususa etiveni, ngikutsanyele emaveni. Ngiyawukubhubhisa. Ngulapho-ke uyawungati khona kutsi mine nginguSimakadze.’ ”

Hezekeli 26:6

netabelo tayo letingaselwandle eveni layo tiyawuklabelwa ngenkemba. Ngulapho-ke bayawungati khona kutsi mine nginguSimakadze.

Hezekeli 30:4

Inkemba iyawubefikela baseGibhithe, nebuhlungu benhlitiyo buyawubehlela baseKushe. Ngesikhatsi lasebagwaziwe bawa eGibhithe, umcebo wayo uyawutfunjwa, netisekelo tayo tiyawucheketwa ekhatsi.

Hezekeli 32:30

“Tonkhe tiphatsimandla tasenyakatfo nabo bonkhe baseSidoni balapho; behlela phansi kanye nalabagwaziwe bahlazekile, lite nome kwase kunekwesaba lokwase kubangwe ngemandla abo. Balele bangakasokwa kanye nalabo lababulewe ngenkemba, betfwala lihlazo labo kanye nalabo labehlela emgodzini.

Hezekeli 38:22

Ngiyawukhipha sigwebo sesifo lesibulalanako nesekucitseka kwengati; ngiyakwehlisela sihhuhhula semvula lenesangcotfo nesibabule lesivutsako etikwakhe nasetikwemabutfo akhe, nasetikwetive letinyenti letikanye naye.

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 5:17

Ngiyawutfumela indlala netilwane tesiganga letiyawumelana nani, futsi tiyawunishiya nite bantfwana. Tifo letibulalanako nekucitseka kwengati kuyawunikhukhula, ngiyawunihlasela ngenkemba leyawumelana nani. Mine, Simakadze, sengikhulumile.”