Hezekeli 28:15 - Siswati 1996 Bible

¹⁵ Wawungasoleki etindleleni takho kusukela ngelilanga lowadalwa ngalo, kwadzimate kwaba ngumhlazana bubi butfolakala kuwe.

Hezekeli 28:15 ပူးပေါင်းရင်းမြစ်များ

2 yaPhetro 2:4

Nkulunkulu akazange atiyekele tingilosi letona, kodvwa watilahla kalasha emigodzini yebumnyama bebumnyama, kutsi titewugcinelwa kwehlulelwa.

KubaseRoma 7:9

Nami matfupha ngase ngaphila ngaphandle kwemtsetfo; kodvwa kwatsi kube kufike umyalo, sono savuka indlwabane,

Hezekeli 28:12

“Ndvodzana yemuntfu, dzindza sililo ngenkhosi yaseThire, utsi kuyo: ‘Naku lokushiwo yiNkhosi Simakadze, itsi: “ ‘Wena bewusibonelo sekuphelela, ugcwele kuhlakanipha, futsi uphelele ngebuhle.

Sililo 5:16

Umchele udzilikile etinhloko tetfu. Maye kitsi! Ngobe sonile.

Isaya 14:12

“Maye, lokuwa kwakho ezulwini! Awu, nkhwekhweti yekusa! Ndvodzana yentsatsakusa! Ugeciwe walahlwa phansi, wena lowake walalisa tive lunja!

Umshumayeli 7:29

Naku kuphela lengikutfolile: kutsi Nkulunkulu wadala umuntfu, wamenta waba ngulocondzile, kodvwa bantfu besuka bayawufuna emachinga abo lamanyenti.”

Taga 14:34

Kulunga kuyasiphakamisa sive; kodvwa sono silihlazo nome ngukusiphi sive.

Genesisi 1:31

Nkulunkulu wakubona konkhe labesakwentile, kutsi kuhle kakhulu. Kwahlwa, kwasa: Kwaba lilanga lesitfupha.