Hezekeli 27:27 - Siswati 1996 Bible

²⁷ Bunjinga bakho, netimphahla takho tekutsengiswa, nematilosi akho, nebashayei bakho bemikhumbi, nebalungisi bemikhumbi, nebahwebi bakho, nawo onkhe emasotja akho, nabo bonkhe labanye labasemikhunjini bayawushona phansi ekhatsi emajukujukwini elwandle, mhlazana kubhidlika umkhumbi wakho.

Hezekeli 27:27 ပူးပေါင်းရင်းမြစ်များ

Taga 11:4

Ingcebo ingeke isite lutfo ngelilanga lentfukutselo; kodvwa kutiphatsa kahle kusindzisa umuntfu ekufeni.

Jeremiya 25:22

onkhe emakhosi aseThire naseSidoni; emakhosi langaselugwini ngesheya kwelwandle;

Hezekeli 26:1

Ngemnyaka weli-11, ngelilanga lekucala lenyanga, kwefika livi laSimakadze kimi, latsi:

Hezekeli 26:12

Bayawuphanga bunjinga bakho, batfumbe netimphahla takho letitsengwa titsengiswe, bayawubhidlitela phansi tibondza takho, bahhihlite tindlu takho letinhle, balahle ematje akho, netingodvo leticinile, nayo yonkhe imfuhlululu elwandle.

Hezekeli 26:14

Ngiyawukwenta ube lidvwala lelingenalutfo, uyawuba yindzawo yekweneka emanetha ekudweba. Awusayiwuphindza wakhiwe kabusha, ngobe mine Simakadze sengikhulumile, kusho iNkhosi Simakadze.

Hezekeli 26:21

Ngiyawukufikisa esiphetfweni lesesabekako, futsi ngeke uphindze ube khona. Uyawufunwa, ungete watfolakala, kusho iNkhosi Simakadze.”

Hezekeli 27:12

“ ‘IThashishi yatsengiselana nawe ngenca yebunyenti bebunjinga bakho betimphahla; babeshintjiselana nawe ngesiliva, nangensimbi, nangemfimfi, nangemtfofu, ngetimphahla takho.

Hezekeli 27:22

“ ‘Bahwebi baseSheba nebaseRama babetsengiselana nawe; ngetimphahla takho tekutsengiswa babekunika tinhlobonhlobo tetinongo leticolisakele, netematje laligugu, negolide.

Hezekeli 27:24

Emakethe yakho babetsengiselana nawe ngekwekwembatsa lokuhle, nangetindvwangu letiluhlata njengesibhakabhaka, nangetintfo letihlotjisiwe, nangematjalo langemabhadvubhadvu, nangetimvakazi letephotfwe kahle tase tifinywa lifindvo lelihle nalelicinile.

Hezekeli 27:26

Bagwedli bakho bemikhumbi bakuvakashisa etilwandle letijulile. Kodvwa umoya wasemphumalanga uyawukucoba ube timvutfu ekhatsi emajukujukwini elwandle.

Hezekeli 27:28

Emave langaselwandle ayawutfutfumela, ngesikhatsi sekukhala kwematilosi akho.

Hezekeli 27:34

Manje sewucitfwe lwandle, lwakufaka emajukujukwini emanti; timphahla takho letitsengiswako nabo bonkhe lonabo sekushone kanye nawe phansi ekujuleni.

Hezekeli 28:1

Kwefika livi laSimakadze kimi, latsi:

Hezekeli 28:8

Bayawukwehlisela phansi emgodzini, uyawufa kabuhlungu ekhatsi nekhatsi kwetilwandle.

Amose 1:9

Naku lokushiwo nguSimakadze, utsi: “Bantfu baseThire bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu, bangete basigcina sivumelwane sebuhlobo lesasentiwe.

Zakhariya 9:3

IThire yona seyitakhele inqaba; seyicokelele isiliva kwaba shangatsi lutfuli, negolide njengeludzaka lwasesitaladini.