Hezekeli 26:20 - Siswati 1996 Bible

²⁰ ngulapho-ke ngiyawukwehlisa nawe kanye nalabo labehlela phansi emgodzini, kubantfu basemandvulo. Ngiyawukuhlalisa endzaweni lengaphansi kwemhlaba, njengasetindzaleni takadzeni kanye nalabo labehlela phansi emgodzini, futsi ngeke ubuye nome utewutsatsa indzawo yakho eveni lalabaphilako.

Hezekeli 26:20 ပူးပေါင်းရင်းမြစ်များ

Tihlabelelo 27:13

Impela ngiyakholwa nguloku: Buhle baSimakadze ngiyawububona ngisaphila kulomhlaba!

Tihlabelelo 28:1

Ngikhala kuwe, Simakadze, Dvwala lami. Ungabi sihhulu kimi, ngobe nangabe ungangiphendvuli, ngitawufana nalabaya ethuneni.

Isaya 14:10

“Bonkhe bayawuphendvula batsi kuwe: ‘Nawe sewubutsakatsaka njengatsi, nawe sewufanana natsi.’

Isaya 14:9

“Indzawo yalabafile ngaphansi nayo iyanyakata itsakasele kutsi ikuhlangabete nawuta kuyo. Lendzawo ivusa umoya walasebalala kutsi itekuvusela bonkhe labo bebabaholi emhlabeni, ibente basukume etihlalweni tabo tebukhosi bonkhe nalababengemakhosi etive.

Isaya 4:5

Ngako Simakadze uyawudala lifu emini, intfutfu nelilangabi lemlilo ebusuku, lisibekele iNtsaba yonkhe iSiyoni nabo bonkhe labahlanganela kuyo; etikwayo yonkhe lenkhatimulo kuyawuba nempheme.

Isaya 59:10

Njengemphumphutse, siphutsata indlela ngetandla sigudla lubondza, siphutsate indlela njengebantfu labate emehlo. Emini siyakhubatela kube shangatsi sekuhlwile, emkhatsini walabanemandla sinjengalabafile.

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Sililo 3:6

Ungihlalise ebumnyameni, nginjengalabo lasebalala kadzeni emadlizeni.

Hezekeli 31:14

Ngako-ke kute letinye tihlahla letingasemantini letiyawuphakama tiye etulu ngekutigcabha, tiphakamisele tihloko tato tengamele emacembe lahlangene. Kute letinye tihlahla letiniselwa kahle letiyawuke tikhule tibe tidze ngangaleso sihlahla; tonkhe timiselwe kufa, tiye ngaphansi kwemhlaba, emkhatsini webantfu lababhubhako, kanye nalabo labehlela emgodzini.

Hezekeli 39:7

“ ‘Libito lami lelingcwele ngiyawulenta latiwe emkhatsini wesive sami, ema-Israyeli. Yebo, Libito lami lelingcwele ngingeke ngisaliyekela lihlanjalatwe, netive tiyawukwati kutsi mine nginguSimakadze, Longcwele ka-Israyeli.

Amose 9:2

Nome bangemba bashone phansi ekujuleni kwelithuna, nakhona lapho sandla sami siyawubakhipha. Nome bangekhwela benyukele etulu emazulwini, nakhona lapho ngiyawubehlisela phansi.

Jona 2:2

“Ekuhluphekeni kwami ngakhala kuwe, Simakadze, wangiphendvula; ngamemeta ngisematfunjini emhlaba, ngicela lusito, wena waliva livi lami.

Jona 2:6

Ngehlela emajukujukwini emhlaba, live lelimasango alo ahlala akhiyiwe kuze kube phakadze; kodvwa imphilo yami wayenyula emgodzini, Simakadze, Nkulunkulu wami.

Zakhariya 2:8

Ngobe naku lokushiwo nguSimakadze longuSomandla, longitfumile wangipha emandla kutsi ngimelane netive letiniphangile, ngobe umuntfu lotsintsa nine utsintsa inhlavu yeliso laSimakadze.

Numeri 16:30

Kodvwa nangabe Simakadze aveta intfo lensha lengazange seyenteke, umhlaba uvule umlomo wawo ubamite kanye nako konkhe lokungekwabo, bashobele phansi, baye endzaweni yalabafile beva, niyawube seniyati-ke kutsi labantfu bedzelele Simakadze.”

Numeri 16:33

Bashobela phansi endzaweni yalabafile beva, nato tonkhe timphahla tabo, umhlaba wabasibekela, babhubha bangaphindzi baba khona emkhatsini wesive.

Matewu 11:23

“Nawe-ke Khaphanawume, ucabanga kutsi uyawuphakanyiselwa ezulwini yini? Uyakwehliselwa endzaweni yalabafile, ngobe kube yayentiwe eSodoma imisebenti yemandla leyayentiwe kuwe, ngabe ikhona nalamuhla.

Lukha 10:15

Wena-ke Khaphanawume, ucabanga kutsi uyawuphakanyiselwa ezulwini yini? Cha! Uyakwehliselwa esihogweni.”

2 yaPhetro 2:5

Nkulunkulu akazange awuyekele umhlaba wakadzeni, kodvwa wamlondvolota Nowa, umshumayeli wekulunga, kanye nalabanye lababesikhombisa, ngesikhatsi aletsa zamcolo emhlabeni walababengamesabi Nkulunkulu.