Hezekeli 26:16 - Siswati 1996 Bible

¹⁶ Lapho-ke bonkhe labakhulu bemave langaselwandle bayawukwehlela phansi, besuka etihlalweni tabo tebukhosi, babeke eceleni imijiva yabo, bakhumule tembatfo tabo letihlotjisiwe. Bayawuhlala phansi emhlabatsini bembetse kwesaba, batfutfumela ngato tonkhe tikhatsi, bamangaliswe nguwe.

Hezekeli 26:16 ပူးပေါင်းရင်းမြစ်များ

Jobe 8:22

Titsa takho tiyakwembatsiswa ngemahloni. Emakhaya alababi akasayiwubuye abonwe.”

Tihlabelelo 109:18

Abembatsa ticalekiso njengengubo, tangena etibilinini takhe njengemanti, nasematsanjeni akhe njengemkantja.

Tihlabelelo 109:29

Shangatsi labangimangalelako bangahlazeka, shangatsi emahloni angabambonya njengengubo.

Tihlabelelo 132:18

Titsa takhe ngiyawutembesa ngelihlazo, kodvwa umbuso wakhe uyawuphumelela uchume.”

Tihlabelelo 35:26

Bonkhe labatsakasela kuhlupheka kwami abahlazeke, badliwe ngemahloni, abembatsiswe emahloni nelihlazo labo labangicoloshelako.

Eksodusi 15:15

Tikhulu taka-Edomu tiyakwesaba, tichwaga takaMowabi titfutfumele, takhamiti taseKhenani tiphele emandla,

Isaya 3:26

Emasango aseSiyoni ayawukhala alile, lidolobha selisiganga, yebo, bantfu balo batawuhlala phantsi emhlabatsini.

Isaya 41:5

Tichingi tikubonile tesaba, imikhawulo yemhlaba iyatfutfumela, bantfu bayasondzela, baphumela ebaleni.

Isaya 47:1

Simakadze utsi: “Yehla, uhlale elutfulini, wena Ndvodzakati yaseBhabhulona. Hlala emhlabatsini, ungasahlali esihlalweni sebukhosi, Ndvodzakati yebaseBhabhulona. Awusayikubitwa ngekutsi ungulobutsakatsaka nalotsambile.

Isaya 52:2

Titsintsitse lutfuli lokulo; sukuma, uhlale esihlalweni sebukhosi, wena Jerusalema. Tikhulule etinketaneni letisentsanyeni yakho, wena Ndvodzakati yaseSiyoni letfunjiwe.

Jeremiya 48:39

“Maye kufabaka kwayo! Maye, bayalila bo! Hhawu, kushwebheta kwaMowabi sekuyindlisamahloni kuyo; Mowabi sewugucuke waba yintfo yekuhlekisa, waba yintfo nje yekwesabisa kubo bonkhe labakhelene naye.”

Sililo 2:10

Babusi beNdvodzakati yaseSiyoni bahlala phansi bathule, batsele lutfuli etinhloko tabo, bembatse emasaka. Emantfombatana aseJerusalema atfobile, abhekisa tinhloko tawo phansi.

Hezekeli 16:10

Ngakwembatsisa ngengubo lehlotjiswe kahle, ngakufaka tincabule tesikhumba etinyaweni takho. Ngakwembatsisa ngelineni lecolisakele, ngakwembesa ngetembatfo letidulile.

Hezekeli 26:21

Ngiyawukufikisa esiphetfweni lesesabekako, futsi ngeke uphindze ube khona. Uyawufunwa, ungete watfolakala, kusho iNkhosi Simakadze.”

Hezekeli 28:17

Inhlitiyo yakho yakhukhumuka ngenca yebuhle bakho, wona buhlakaniphi bakho ngenca yekucwebetela kwakho. Ngako ngase ngikulahlela emhlabeni, ngakwenta inhlekisa embikwemakhosi.

Hezekeli 31:15

“ ‘Naku lokushiwo yiNkhosi Simakadze, itsi: Ngalelo langa lomsedari lowehliselwa ngalo ethuneni ngambonya tiyalu letingaphansi kwemhlaba ngekuwulilela; ngavimbela imifudlana yato, kwatsi lamanti ato lamanyenti ema, angete ageleta. Ngenca yawo iLebanoni ngayembatsisa lusizi, kwatsi tonkhe tihlahla tesiganga tabuna.

Hezekeli 32:10

Tive letinyenti ngiyawutenta titfutfumele ngawe, nemakhosi ato ayawushaciswa kwesaba ngenca yakho, nase ngijikitisa inkemba yami embikwawo. Ngelilanga lekuwa kwakho ngulowo nalowo uyawutfutfumela ngekuphila kwakhe kuyo yonkhe imizuzwana yalelo langa.

Hezekeli 7:27

Inkhosi iyawulila, sikhulu sembatse kujabha, netandla tebantfu eveni tiyawuchachatela. Ngiyawubaphatsa njengalokufanele kutiphatsa kwabo, ngibehlulele njengekwemitsetfo yabo. Ngulapho-ke bayawungati khona kutsi mine nginguSimakadze.”

Hezekeli 7:8

Sengitawutfululela lulaka lwami etikwakho, ngifeze intfukutselo yami kuwe; ngitakwehlulela njengekutiphatsa kwakho, ngikukhokhele ngangekwetento takho tonkhe letinengekako.

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Hoseya 11:10

Bayawulandzela Simakadze; uyawubhodla njengelibhubesi. Nakabhodla, bantfwabakhe bayawuta batfutfumela, bachamuka ngasenshonalanga.

Jona 3:6

Letindzaba tatsi natifika enkhosini yaseNineve, yasukuma esihlalweni sayo sebukhosi, yakhumula ingubo yayo yebukhosi, yatembonya ngendvwangu yemasaka, yahlala phansi emlotseni.

Hagayi 2:22

Ngitawuketula tihlalo tebukhosi ngibhidlite emandla emibuso yebetive. Ngitawuketula tincola temphi kanye nebashayeli bato, emahhashi kanye nebagibeli bawo bayawuwela phansi, ngulowo ngenkemba yemnakabo.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”

Sembulo 18:9

“Emakhosi emhlaba labephinga nayo atamase nayo ayawukhala alile kamatima ngayo, nasabona intfutfu yekusha kwayo.