Hezekeli 25:16 - Siswati 1996 Bible

¹⁶ ngako-ke, naku lokushiwo yiNkhosi Simakadze, itsi: Sekusedvute kutsi ngelule sandla sami ngimelane nemaFilisti, ngitawacedza emaKherethi, ngiwabhubhise lawo lasesele kugudla lwandle.

Hezekeli 25:16 ပူးပေါင်းရင်းမြစ်များ

2 Samuweli 15:18

Onkhe emadvodza ayo endlula eceleni kwayo kanye nawo onkhe emaKherethi nemaPhelethi, nawo onkhe emaGathi langema-600 labehamba nawo esuka eGathi, nawo futsi endlula embikwenkhosi.

Jeremiya 25:20

nabo bonkhe bantfu betive labalapho; onkhe emakhosi ase-Usi; onkhe emakhosi emaFilisti e-Ashkeloni, nase-Gaza, nase-Ekroni, nebantfu labasele e-Ashdodi;

Hezekeli 25:13

ngako-ke, naku lokushiwo yiNkhosi Simakadze, itsi: Ngiyakwelula sandla sami ngimelane na-Edomu, ngibulale bantfu bakhe netilwane takhe. Ngiyakumenta abe lihlane, kusukela eThemani kuze kuyewufika eDedani bayawubulawa ngenkemba.

Hezekeli 25:7

ngako-ke ngiyakwelula sandla sami ngimelane nawe, ngikunikele kutsi ube yimphango yetive. Ngiyawukkususa etiveni, ngikutsanyele emaveni. Ngiyawukubhubhisa. Ngulapho-ke uyawungati khona kutsi mine nginguSimakadze.’ ”

Amose 1:8

Ngitayibhubhisa inkhosi yase-Ashdodi nalowo lophetse indvuku yebukhosi e-Ashkeloni. Ngitayivukela i-Ekroni, ngiwabhubhise onkhe emaFilisti kungasali namunye,” kusho iNkhosi Simakadze.

1 Samuweli 30:14

Besihlasele iningizimu yemaKherethi neyelive lakaJuda, kanye neningizimu yelive lakaKhalebi, sashisa neSikilagi.”