Hezekeli 23:44 - Siswati 1996 Bible

⁴⁴ Balala naye njengobe emadvodza alala nengwababane, alala kanjalo-ke nalamantfombatane labephetfwe luntjingintjingi lwenkhanuko, bo-Ohola na-Oholibha.

Hezekeli 23:44 ပူးပေါင်းရင်းမြစ်များ

Jeremiya 3:8

Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Hezekeli 23:3

Tagucuka taba tingwababane eGibhithe. Tagwadla kusukela kwasebusheni bato. Kulelo live emabele ato abebhujungwa, netingono tebuntfombi bato tatiphiciketwa khona.

Hezekeli 23:4

Libito lalendzala bekungu-Ohola, dzadzewabo kungu-Oholibha. Babe ngebami, base batala emadvodzana nemadvodzakati. Ohola yiSamariya, kantsi Oholibha yiJerusalema.

Hezekeli 23:43

Ngabe sengikhuluma ngalona labesagugiswe kuphinga, ngatsi: ‘Nyalo-ke sale bamsebentisa njengengwababane, ngobe nguloko kuphela langiko.’

Hezekeli 23:45

Kodvwa emadvodza lalungile ayakubalahla ngesijeziso salabasikati labagwadlako nalabacitsa ingati, ngobe batingwadla, ingati isetandleni tabo.