Hezekeli 23:42 - Siswati 1996 Bible

⁴² “Umsindvo wesicuku sebantfu labanganaki wawumtungeletile; emaSeba aletfwa esuka ehlane akanye nemadvodza labephuma esicukwini setihlangananhloko, bagabisa lomfati emabhengele emikhonweni yakhe kanye nadzadzewabo, bafaka nemichele lemihle etinhloko tabo.

Hezekeli 23:42 ပူးပေါင်းရင်းမြစ်များ

Sembulo 12:3

Kwavela lesinye sibonakaliso ezulwini. Kwakungunyokangwenya lobovu lomkhulu anetinhloko letisikhombisa, netimphondvo letilishumi, nemichele lesikhombisa etinhloko takhe.

Joweli 3:8

Ngiyawutsengisa emadvodzana nemadvodzakati enu esiveni sakaJuda, bese sibatsengisa esiveni sakaSheba, sive lesikhashane kakhulu.” Simakadze sewukhulumile.

Hoseya 13:6

Ngatsi nangibondla emadlelweni lamahle, besutsa; batsi kube besutse, base bayatigabatisa, base bayangikhohlwa.

Jobe 1:15

kwefika emaSabi asihlasela, atitfumba. Tinceku takho atibulele tonkhe ngenkemba; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Eksodusi 32:6

Ngakusasa bavuka ekuseni ngeluvivi baletsa iminikelo yekushiswa kanye neminikelo yekuthula. Bantfu bahlala phansi, badla, banatsa, basukuma badlala.

Genesisi 24:30

Watsi nakabona indandatho ekhaleni kanye nemabhengela emikhonweni yadzadzewabo, watsi nakeva emavi aRebheka, dzadzewabo, atsi: “Lendvodza ikhulume kimi,” waya kuyo. Wayikhandza ime eceleni kwemakamela madvutane nesicobho.

Tihlabelelo 73:12

Lababi-ke banjalo, bakhomba ngalosekhatsi, bandzise ingcebo.

Jeremiya 51:7

IBhabhulona bekuyindzebe yegolide esandleni saSimakadze; yadzakisa wonkhe umhlaba. Tive tanatsa liwayini layo, ngako manje setiyahlanya.

Hezekeli 16:49

“ ‘Manje-ke, lesi bekungusona sono sadzadzewenu Sodoma: Yena nemadvodzakati akhe babetigcabha, bondleke kakhulu bangenandzaba nalutfo, babengabasiti labamphofu nalabeswele.

Hezekeli 27:22

“ ‘Bahwebi baseSheba nebaseRama babetsengiselana nawe; ngetimphahla takho tekutsengiswa babekunika tinhlobonhlobo tetinongo leticolisakele, netematje laligugu, negolide.