Hezekeli 23:32 - Siswati 1996 Bible

³² “Naku lokushiwo yiNkhosi Simakadze, itsi: “Uyawunatsa indzebe yadzadzewenu, yebo, indzebe lenkhulu legubhile; iyawuletsa kwedzelelwa nekuphukutwa, ngobe inemtsamo lomkhulu.

Hezekeli 23:32 ပူးပေါင်းရင်းမြစ်များ

Isaya 51:17

Vuka, vuka, sukuma, wena Jerusalema, wena lonatse esandleni saSimakadze indzebe yentfukutselo yakhe, wena lominyele sinatfo lesiseludziweni lesenta bantfu badzayitele.

Tihlabelelo 60:3

Sive sakho usibonise tintfo letimatima, wasinatsisa liwayini sadzakwa, saba ngumhlaba.

Sembulo 18:6

Yiphatseni njengobe beyibaphetse labanye, nibuyisele kuyo ngalokuphindziwe, kuye ngemisebenti yayo. Nigcwalise indzebe yayo ibe nemandla ngalokuphindziwe kuloko leyakwenta kini.

Sembulo 16:19

Lidolobha lelikhulu lajubeka laba tincamu letintsatfu, nemadolobha etive abhidlika. Nkulunkulu wayikhumbula iBhabhulona lenkhulu, wayinatsisa endzebeni yentfukutselo yakhe.

Mikha 7:8

Titsa tetfu kute letingasicoloshela ngako. Nome sesiwile, sitawuvuka futsi. Nome sesisebumnyameni kwanyalo, kodvwa Simakadze utawuba kukhanya kwetfu.

Hezekeli 36:3

Ngako-ke phrofetha, utsi: ‘Naku lokushiwo yiNkhosi Simakadze, itsi: Ngenca yekutsi banona kangaka banicosha yonkhe indzawo, naze naba lifa lato tonkhe letinye tive, nentfo yekuhlekisa neyekucashatwa bantfu,

Hezekeli 35:15

Njengobe wajabula ngesikhatsi lifa lendlu yaka-Israyeli liba lihlane, nami-ke ngiyawukuphatsa kanjalo. Uyawuba lihlane, wena live letintsaba taseSeyiri, yebo, wena nalo lonkhe laka-Edomu. Ngulapho-ke bayawukwati khona kutsi mine nginguSimakadze.’ ”

Hezekeli 26:2

“Ndvodzana yemuntfu, njengobe iThire seyikhulume ngeJerusalema, yatsi: ‘Hha! Lisango lebetive selephukile, netivalo talo setigedvukele kimi, njengaloku seyibhidlikile iJerusalema, mine Thire sengitawuphumelela.’

Hezekeli 25:6

Ngobe naku lokushiwo yiNkhosi Simakadze, itsi: Njengobe ushaye tandla takho wagidza ngetinyawo takho, wajabula ngabo bonkhe bubi benhlitiyo yakho umelene nelive laka-Israyeli,

Jeremiya 48:26

“Mdzakiseni, ngobe wedzelele Simakadze. Mowabi akabhucute emahlanteni akhe, akabe yintfo yekuhlekisa.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Tihlabelelo 79:3

Bacitse ingati yetinceku takho, yageleta njengemanti, eJerusalema lonkhe. Kwabate nalongabangcwaba.

1 Emakhosi 9:7

Israyeli ngiyakumsusa eveni lengimnike lona, ngililahle nalelithempeli lengilingcwelisele Libito lami. Israyeli sewuyawuba siga nentfo yekuphukutwa, abe yinhlekisa kuto tonkhe tive.

Dutheronomi 28:37

Niyawuba yintfo leshacisa lugogo, nentfo yekwedzelelwa neyekuphukutwa emkhatsini wato tonkhe tive leniyawube nisakatelwe kuto nguSimakadze.

Tihlabelelo 44:13

Usente saba yinhlekisa kubomakhelwane betfu, wasenta sihhala nakulabo labasihacile.

Hezekeli 5:14

“Ngiyawukwenta ube yincitsakalo nelihlazo emkhatsini wetive letibomakhelwane bakho, embikwabo bonkhe bantfu labendlulako.

Hezekeli 5:15

Uyawuba lihlazo, nesihhala, nesecwayiso, nentfo leyesabisako kuletive letikutungeletile, nase ngikwehlulela ngentfukutselo, nangelulaka, nangekutsetsisa lokubuhlungu. Mine, Simakadze, sengikhulumile.

Hezekeli 16:57

ngesikhatsi busengakangcunuleki bubi bakho. Noko nanyala asakubukela phansi emadvodzakati a-Edomu kanye nabo bonkhe bomakhelwane bakhe nemadvodzakati emaFilisti, bonkhe laba labakutungeletile labakubukela phansi.

Hoseya 7:16

Abagucukeli kuLongetulu Kwako Konkhe; bafanana nebutjoki lobungakacini. Baholi babo bayawubulawa ngenkemba ngenca yemagama abo langenanhlonipho. Ngenca yaloko bayawuba luhleko nelihlazo eveni laseGibhithe.”