Hezekeli 23:29 - Siswati 1996 Bible

²⁹ Batakuphatsa ngenzondo, bakwemuke konkhe loko lokusebentele. Batakushiya ungcunu ungenalutfo, nelihlazo lebugwababane bakho libekeke ebaleni. Luntjingintjingi lwenkhanuko yakho nebugwababane bakho

Hezekeli 23:29 ပူးပေါင်းရင်းမြစ်များ

Hezekeli 16:39

Ngiyawube sengikunikela kulamashende akho, layawutihhihlitela phansi letibundvuma takho, abhubhise letindzawo takho letiphakeme tekukhontela tithico. Ayakukhumula tonkhe timphahla takho, atsatse lemihlobiso yakho lemihle kakhulu, akushiye ungcunu, uhamba bhushubhushu.

Hezekeli 23:18

Watsi ngesikhatsi agwadla ebaleni ahlubula nebungcunu bakhe, ngagucuka ngamfulatsela ngijabhile, njengaloku ngangifulatsele dzadzewabo.

2 Samuweli 13:15

Amnoni watondza Thamari ngenzondo lenkhulu. Empeleni wamtondza ngenzondo lenkhulu kwengca lolutsandvo labemtsandza ngalo. Amnoni wamkhakhabisa watsi: “Vuka uhambe la!”

Jeremiya 13:26

“Ngitawugwabula tidvwaba takho tibuye ebusweni, khona kutewubonakala bungcunu bakho:

Hezekeli 22:9

Kuwe kunebantfu labahlebako, labanhloso yabo isekucitseni ingati; ekhatsi kuwe kunalabo labadlela etintsabeni lekutsiwa tingcwele, bavusele khona tinkhanuko tekulalana.

Mikha 1:11

Nine takhamiti taseShafiri, tidzingiseni nihlazekile, ningcunu. Takhamiti taseSanani tesaba kuphuma edolobheni lato. Nawuva takhamiti taseBethi Eseli tilila, uyawuvele ubone kutsi kute siphephelo lapho.

Sililo 1:8

IJerusalema yone kakhulu, ngaloko seyisinengiso. Bonkhe lababeyihlonipha sebayayedzelela, ngobe sebabubonile bungcunu bayo; yona cobo lwayo iyabubula ifulatsele.