Hezekeli 23:23 - Siswati 1996 Bible

²³ emaBhabhulona nawo onkhe emaKhaledi, emadvodza asePhekodi, newaseShowa, newaseKhowa kanye nawo onkhe ema-Asiriya lanawo, emajaha lamahle, onkhe lababusi netindvuna temphi, netindvuna tetincola temphi kanye nemadvodza laphakeme, bonkhe bagibele emahhashi.

Hezekeli 23:23 ပူးပေါင်းရင်းမြစ်များ

Jeremiya 50:21

“Hlasela live laseMerathayimu nalabo labahlala ePhekodi. Bacoshe, ubabulale, ubabhubhise ubacedze. Wente konkhe lengikuyale ngako,” kusho Simakadze.

2 Emakhosi 24:2

Simakadze wamtfumelela emaBhabhulona, nemaSiriya, nemaMowabi, nema-Amoni kutsi atemhlasela. Wabatfumela kutsi batewubhubhisa Juda, ngekulandzela livi laSimakadze lalikhuluma ngetinceku takhe baphrofethi.

Hezekeli 23:12

Naye futsi wakhanuka ema-Asiriya, babusi, netindvuna temphi, netihlabani letatembatsa temphi, babebagibeli bemahhashi, bonkhe kwakungemajaha lamahle lasemancane.

Hezekeli 23:6

letatembatsa letiluhlata njengesibhakabhaka, babusi netindvuna temphi, bonkhe babengemajaha lamahle, kwakubagibeli bemahhashi.

Isaya 23:13

Bukani live lemaBhabhulona, lesive lese silite nyalo! Ema-Asiriya lelive asalente laba yindzawo yetilwane telihlane. Akhe imibhoshongo yekuvimbetela, ahlubula tinqaba talo, taba tindzala.

Jobe 1:17

Satsi sisakhuluma leso sigijimi, kwefika lesinye, satsi: “EmaKhaledi ente ticheme letintsatfu awatfumba onkhe emakamela akho ahamba nawo. Abulele tonkhe tinceku takho ngenkemba; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Ezra 6:22

Batsatsa emalanga lasikhombisa bagubha uMkhosi weSinkhwa Lesingenambiliso, ngobe Simakadze abebajabulisile ngekugucula simo senkhosi yase-Asiriya, yaze yabasita ekwakheni indlu yaSimakadze, Nkulunkulu wema-Israyeli.

Genesisi 25:18

Titukulwane ta-Ishmayeli takha kusukela eHavila kuya eShuri, lemalunga naseGibhithe, kuya ngase-Asiriya. Takha, tatsi cekelele takhweshelana netihlobo tato; tatihlaselana naletihlobo tato.

Genesisi 2:14

Libito lemfula wesitsatfu yiThigrisi, logeletela ngasemphumalanga ye-Asiriya. Umfula wesine yiYufrathe.

Imisebenti yebaPhostoli 7:4

Wesuka-ke kulelive lemaKhaledi waya eHarani. Asafile uyise, Nkulunkulu wamsusa Abrahama wamletsa kulelive, lona leli lenakhe kulo.

Hezekeli 23:14

“Kodvwa Oholibha bugwababane bakhe bendlulela ngembili. Abebona emadvodza ladvwetjwe elubondzeni, titfombe temaKhaledi ladvwetjwe ngalokubovu,

Hezekeli 23:22

“Ngako-ke, Oholibha, naku lokushiwo yiNkhosi Simakadze, itsi: Ngiyawuchukuluta emashende akho akuvukele, lawo lowawafulatsela ujabhile, ngiyakuwaletsa atekuhlasela aphuma ndzawo tonkhe,

Hezekeli 16:1

Livi laSimakadze lefika kimi, latsi: