Hezekeli 22:29 - Siswati 1996 Bible

²⁹ Bantfu bakulelive baphanga nekuphanga bagcekeze nekugcekeza; bacindzetela labamphofu nalabeswele, babaphatse kabi bekuhamba, bangabaphatsi ngekwemtsetfocotfo.

Hezekeli 22:29 ပူးပေါင်းရင်းမြစ်များ

Tihlabelelo 62:10

Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.

Tihlabelelo 94:6

Babulala bafelokati, netihambi, basontse netintsandzane, ngobe tite boyise.

Eksodusi 22:21

“Ningacali nisiphatse kabi nome nisigcilate sihambi, ngobe nani nake naba tihambi eveni laseGibhithe.

Eksodusi 23:9

“Ungasiphatsi kabi sihambi; nawe uyati kutsi utiva unjani nangabe usihambi, ngobe nani nake naba tihambi eGibhithe.”

Isaya 10:2

bentele kwemuka labamphofu emalungelo abo, badlelele bantfu bami labacindzetelekile emalungelo abo emtsetfocotfo, batsatse imphango kubafelokati, badlelele labangenaboyise.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Jeremiya 6:13

“Kusukela kulomncane kakhulu kuye kulomkhulu kakhulu, bonkhe babogubhela kwesabo; baphrofethi nebaphristi bayafanana, bonkhe bayayengana.

Hezekeli 18:12

Ucindzetela labamphofu nalabeswele, adlelele bantfu. Akasibuyiseli sibambiso. Ubuka tithico. Wenta tintfo letisinengiso.

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Hezekeli 9:9

Wangiphendvula watsi: “Sono sendlu yaka-Israyeli neyakaJuda sikhulu ngalokwengcile; live seligobhota ingati, nelidolobha seligcwele kungabi namtsetfo. Batsi: ‘Simakadze ulikhohliwe lelive; Simakadze akaboni.’

Levithikusi 19:13

“ ‘Ungamebeli makhelwane wakho; ungawubambi umholo wesisebenti kuze kube ngakusasa.

Levithikusi 19:33

“ ‘Ungamhluphi umuntfu longumchamuki lohleti nawe eveni lakini.

Amose 3:10

Simakadze utsi: “Abati kutsi bangakwenta njani lokulungile, labo lababutsise budlova nemphango etigodlweni tabo.”

Mikha 2:2

Nabafuna emasimi, bavele bawatsatse ngendlovuyangena; nabafuna tindlu, bavele batidle. Kute namunye lonemndeni lovikelekile, nome lonelutfo loluphephile.

Mikha 3:3

Nidla inyama yemitimba yesive sami, nihlube inyama yaso ematsanjeni aso nihlahlele ematsambo aso, nicobe inyama yemitimba yabo njengenyama icotjelwa kufakwa ebhodweni.

Mikha 6:12

“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.

Matewu 25:43

Ngangisihambi, kodvwa aningingenisanga emitini yenu; ngangingcunu, kodvwa aningigcokisanga; ngangigula, ngangisejele, kodvwa aningivakashelanga.’

YaJakobe 5:4

Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.