Hezekeli 22:20 - Siswati 1996 Bible

²⁰ Njengobe bantfu bacocela ndzawonye isiliva, nelitfusi, nensimbi, nemtfofu, nemfimfi bakufake embutfumeni yemlilo batewukuncibilikisa ngemlilo lovutsako, kanjalo nami ngiyakunigcogcela ndzawonye ngentfukutselo yami nangelulaka lwami, nginifake ekhatsi edolobheni nginincibilikise.

Hezekeli 22:20 ပူးပေါင်းရင်းမြစ်များ

Isaya 1:25

Ngitawugucula sandla sami, ngimelane nani, ngitawacengisisa onkhe emanyela enu, ngisuse konkhe kungcola kwenu.

Isaya 54:16

“Buka la, ngimi lowadala umbumbi wetetinsimbi, lovutsela emalahle kutsi abe lilangabi, ente sikhali silungele umsebenti waso. Futsi ngimi lowadala umbhubhisi kutsi ente imbhubhiso;

Jeremiya 4:20

Inhlekelele ilandzela inhlekelele, live lonkhe lisele litindzala. Ngekucwabita kweliso emathende ami asabhidlitiwe, yebo, umkhukhu wami ngesikhashana nje.

Jeremiya 8:13

“ ‘Simakadze utsi: Ngiyawususa sivuno sabo, kuyawubate emagelebisi emvinini. Kuyawubate emakhiwa esihlahleni semkhiwa, nemacembe aso ayawubuna. Loko lengabanika kona kuyawutsatfwa kubo.’ ”

Hezekeli 22:19

Ngako-ke naku lokushiwo yiNkhosi Simakadze, itsi: ‘Njengobe nonkhe seniphendvuke naba ngemanyela, ngitanibutsela eJerusalema.

Hezekeli 22:21

Ngiyawunigcogcela ndzawonye bese nginivutsela ngelulaka lwami lolushisako, niyawuncibilikela ekhatsi kulo.

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”

Hezekeli 24:13

“ ‘Manje kungcola kwakho luntjingintjingi lwenkhanuko yakho. Ngobe ngetama kukugeza, kodvwa wangete wavuma kugezwa kulokungcola kwakho, ungeke uphindze uhlanteke, luze lubotje lulaka lwami kuwe.

Hezekeli 36:18

Ngako ngatfululela lulaka lwami etikwabo, ngobe bese bacitse ingati kulelo live, nangobe bese balingcolise ngaletithico tabo.

Hoseya 8:10

Nome sebatitsengise bona kubetive, nyalo sengitababutsela ndzawonye. Batawucala bondze ngaphansi kwencindzetelo yenkhosi yase-Asiriya.