Hezekeli 20:41 - Siswati 1996 Bible

⁴¹ Ngiyawunemukela njengeliphunga lelimnandzi lemphepho, nanginikhipha emkhatsini wetive, nginibutsa emaveni lapho benisakatelwe khona, ngiyawutibonakalisa mine ngingcwele emkhatsini wenu emehlweni etive.

Hezekeli 20:41 ပူးပေါင်းရင်းမြစ်များ

Genesisi 8:21

Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

2 Samuweli 24:23

Awu! Nkhosi: Konkhe loku Arawuna ukunika inkhosi.” Arawuna wachubeka watsi: “Shangatsi Simakadze, Nkulunkulu wakho, angakwemukela.”

Isaya 5:16

Kodvwa Simakadze longuSomandla utawuphakanyiswa ngekwehlulela kwakhe lokumsulwa. Nkulunkulu longcwele utabubonakalisa bungcwele bakhe ngekulunga kwakhe.

Jeremiya 23:3

“Mine matfupha ngiyawutibutsela lensali yemhlambi wami emaveni onkhe, lapho ngiwusakatele khona, ngiwubuyisele edlelweni lawo, lapho uyawukwandza khona, ukhule wandze ngesibalo.

Jeremiya 30:18

“Naku lokushiwo nguSimakadze, utsi: “ ‘Ngiyawubuyisela inhlanhla emathendeni akaJakobe, ngibe neluvelo emakhaya akhe; lidolobha liyakwakhiwa kabusha etindzaleni talo, nesigodlo siyawuma kabusha endzaweni yaso lefanele.

Jeremiya 30:3

Simakadze utsi: ‘Ayeta emalanga, lapho ngiyawulandza khona sive sami saka-Israyeli nesakaJuda ekutfunjweni ngibabuyisele eveni lengalipha boyisemkhulu kutsi libe ngelabo,’ kusho Simakadze.”

Jeremiya 32:37

Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.

Hezekeli 11:17

“Ngako-ke tsani: ‘Naku lokushiwo yiNkhosi Simakadze, itsi: Ngitanibutsa kuto tonkhe tive nginibuyise, nisuke kuwo onkhe lawo mave lebenginisakatele kuwo, ngiyawuphindze futsi ngininike lelive laka-Israyeli.’

Hezekeli 20:28

Nangibafikisa eveni lengafunga kutsi ngitalinika bona, benelela kufika kulo, babona tonkhe tintsaba letiphakeme netihlahla letimacembe ato avoshokile, base besuka banikelela khona imihlatjelo yabo, benta iminikelo leyangicunula mine ngase ngiyatfukutsela, betfula imphepho yabo letsaphukako, batfulula iminikelo yabo yetinatfo.

Hezekeli 28:22

utsi: ‘Naku lokushiwo yiNkhosi Simakadze, itsi: “ ‘Awu, Sidoni, ngiyemelana nawe, futsi ngitawutibutsela ludvumo ngawe. Bayawukwati kutsi mine nginguSimakadze, nangehlisela sijeziso etikwakho, ngitikhombise mine ngingcwele ekhatsi kuwe.

Hezekeli 28:25

“ ‘Naku lokushiwo yiNkhosi Simakadze, itsi: Nangibutsa sive saka-Israyeli etiveni, lapho besihlakatelwe khona, ngiyawutibonakalisa ngingcwele emkhatsini waso embikwetive. Siyawube sesihlala eveni lelingelaso, lengaliniketa inceku yami Jakobe.

Hezekeli 34:11

“ ‘Ngobe naku lokushiwo yiNkhosi Simakadze, itsi: Mine ngekwami ngitatifunela letimvu tami, ngitelusele.

Hezekeli 34:19

Lomhlambi wami kufanele yini udle loko lese nikugcobagcobile, uphindze unatse loko lese kudvungwe tinyawo tenu?

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Hezekeli 38:16

Uyawushuca usukele sive sami, ema-Israyeli, njengelifu lelisibekela live. Kulamalanga letako wena, Gogi, ngitakuyisa eveni lami, kuze tive titewungati mine nase ngitibonakalisa bungcwele bami ngawe tibukile.

Hezekeli 38:23

Ngiyawubukhombisa kanjalo-ke bukhulu bami nebungcwele bami, ngiyawutenta kutsi ngatiwe emehlweni etive letinyenti. Ngulapho-ke bayawungati khona kutsi mine nginguSimakadze.’ ”

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Hezekeli 6:13

Ngulapho-ke bayawungati kahle kutsi mine nginguSimakadze, bantfu babo nase balele lunja emkhatsini wetithico tabo, batungelete emalati abo kuwo onkhe emagcuma laphakeme, nakuto tonkhe ticongo tetintsaba, nangaphansi kwato tonkhe tihlahla letendlala emagala ato, nangaphansi kwawo onkhe ema-okhi lanemacembe lacebetelako, tindzawo lapho bebentela khona iminikelo yemphepho lenuka kamnandzi kuto tonkhe tithico tabo.

Levithikusi 1:13

Lomuntfu kufanele ageze loku kwangekhatsi kwayo nemilente yayo; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 1:17

Utalibamba ngetimphiko totimbili alidzabule ekhatsi ngaphandle kwekuhluphula timphiko talo, bese ulishisa lonkhe etikwetinkhuni letivutsako letiselatini. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.”

Levithikusi 1:9

Lomuntfu kufanele ageze loku kwangekhatsi nemilente; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Amose 9:14

Ngiyawusilandza sibuye sive sami ema-Israyeli lebesitfunjiwe, siyakuwakha kabusha emadolobha aso langemadzibikelo, bese sihlala kuwo. Siyawuhlanyela tivini, sinatse liwayini lato; siyawukwakha tingadze, sidle titselo tato.

Numeri 20:13

Lawo kwakungemanti aseMeribha, lapho sive sema-Israyeli sefike salwa khona naSimakadze, nalapho ativeta kubo khona angulongcwele.

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

2 kubaseKorinthe 2:14

Kodvwa akabongwe Nkulunkulu losihola njalo eludvwendvweni lwekuncoba ngaKhristu. Nkulunkulu usebentisa tsine kutsi etindzaweni tonkhe avakalise liphunga lelimnandzi lekumati Khristu.

2 kubaseKorinthe 2:15

Ngempela siliphunga lelimnandzi laKhristu kuNkulunkulu, emkhatsini walabasindziswako nasemkhatsini walabasendleleni lebange ekubhujisweni.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

1 yaPhetro 3:15

Kepha mngcweliseni Khristu abe yiNkhosi etinhlitiyweni tenu, nimhloniphe, nihlale nilungele kubaphendvula bonkhe labanibuta ngelitsemba lelikini.