Hezekeli 20:40 - Siswati 1996 Bible

⁴⁰ Ngobe entsabeni yami lengcwele, intsaba lephakeme yaka-Israyeli, lapho kulelo live yonkhe indlu yaka-Israyeli iyawukhonta mine, lapho-ke ngulapho ngiyawubemukela khona, kusho iNkhosi Simakadze. Lapho-ke ngiyakuyifuna iminikelo yenu netipho tenu telikhetselo, kanye nemihlatjelo yenu lengcwele.

Hezekeli 20:40 ပူးပေါင်းရင်းမြစ်များ

2 Samuweli 24:23

Awu! Nkhosi: Konkhe loku Arawuna ukunika inkhosi.” Arawuna wachubeka watsi: “Shangatsi Simakadze, Nkulunkulu wakho, angakwemukela.”

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Isaya 56:7

labo ngiyakubayisa entsabeni yami lengcwele, ngibanike kujabula endlini yami yekukhuleka. Iminikelo yabo yekushiswa nemihlatjelo yabo iyakwemukeleka elatini lami, ngobe indlu yami iyawutsiwa yindlu yemkhuleko yato tonkhe tive.”

Isaya 60:7

Yonkhe imihlambi yaseKhedari iyawubutsanela kuwe, tihhanca takaNebayothi tiyawukukhonta, tibe ngiminikelo leyemukeleka elatini lami, ngiyawulihlobisa lithempeli leludvumo lwami.

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Isaya 66:23

Kusukela ekwetfwaseni kwenyanga kuye kulelandzelako, nekusukela kulelinye liSabatha kuye kulelinye, bonkhe bantfu bayakuta bakhotsame embikwami,” kusho Simakadze.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Hezekeli 17:22

“ ‘Naku lokushiwo yiNkhosi Simakadze, itsi: Mine, cobo lwami, ngiyawusincamula etulu sihloko semsedari ngisihlanyele. Ngiyawuhlutfula umdvumba wesihloko sawo losetulu kakhulu ngiwuhlanyele entsabeni lephakeme nalendze,

Hezekeli 17:23

ngiwuhlanyele eticongweni tetintsaba letiphakeme taka-Israyeli. Uyawukhipha emagala utsele titselo, ube sihlahla lesihle semsedari. Kuyawukwakhela kuso tinhlobonhlobo tato tonkhe tinyoni, tiyawukhosela emtfuntini wemagala aso.

Hezekeli 28:14

Wagcotjwa waba likherubhi lelingumelusi, ngobe ngakugcobela kona loko. Wawusentsabeni lengcwele yaNkulunkulu; wawuhambahamba emkhatsini wematje emlilo.

Hezekeli 40:2

Emibonweni yaNkulunkulu wangitsatsa wangiyisa eveni laka-Israyeli, wafike wangimisa entsabeni lephakeme kakhulu, lekwatsi ngaseningizimu kwayo kwakunetindlu letatibukeka shangatsi ngulelikhulu lidolobha.

Hezekeli 43:12

“Lona ngumtsetfo welithempeli: Yonkhe lendzawo lelitungeletile esicongweni sentsaba iyakuba ngcwelengcwele. Unjalo-ke umtsetfo welithempeli.”

Hezekeli 43:27

Ekupheleni kwalamalanga, kusukela elangeni lesiphohlongo kuya embili, baphristi kufanele betfule iminikelo yenu yekushiswa kanye neminikelo yenu yekuthula etikwelilati. Ngiyawube sengiyanemukela-ke, kusho iNkhosi Simakadze.”

Obadiya 1:16

Njengobe nawe wanatsa indzebe yekujezisa kwami entsabeni yami lengcwele, netive tonkhe tiyawuyinatsa khona siphelane; tiyawunatsa, tinatse kuze kube shangatsi atizange setibe khona.”

Zefaniya 3:11

Ngalelo langa ungeke udliwe ngemahloni ngako konkhe lokubi lokwentile kimi, ngobe kulelidolobha ngiyawubesusa labo labajabula ngeligcabho labo. Ungeke uphindze utigcabhe etikwaleligcuma lami lelingcwele.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Malakhi 3:4

neminikelo yakaJuda neyaseJerusalema iyawuphindze yemukeleke kuSimakadze, njengasemalangeni akadzeni, eminyakeni yasemandvulo.

KubaseRoma 8:23

Kodvwa akusiyo indalo yodvwa; natsi futsi lesiphiwe Moya losibambiso siyabubula etinhlitiyweni tetfu silindzele ngekulangatelela lokukhulu kunikwa simo sebudvodzana, kube kukhululwa kwemitimba yetfu.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

Sembulo 12:1

Kwase kuba khona sibonakaliso lesikhulu ezulwini, umfati embetse lilanga, inyanga ingaphansi kwetinyawo takhe, enhloko kunemchele wetinkhanyeti letili-12.

Sembulo 21:10

Yangitsatsa ngikuMoya, yangibeka esicongweni sentsaba lephakeme kakhulu. Yangikhombisa likhaya lelingcwele, iJerusalema Lensha, lehla, liphuma kuNkulunkulu ezulwini.