Hezekeli 20:37 - Siswati 1996 Bible

³⁷ “ ‘Ngiyawunicaphela ngesikhatsi nendlula ngaphansi kwendvuku yami, bese nginifaka kuso sibopho sesivumelwane.

Hezekeli 20:37 ပူးပေါင်းရင်းမြစ်များ

Jeremiya 33:13

Emadolobheni elive letintsaba, newasemahlandzeni ngasenshonalanga neNegevu, newaseveni lakaBhenjamini, nasemitini letungelete iJerusalema, nasemadolobheni akaJuda imihlambi yetimvu neyetimbuti iyawuphindze yendlule ngaphansi kwesandla salowo lotibalako,’ kusho Simakadze.

Hezekeli 16:62

Ngako-ke ngiyawumisa sivumelwane sami nawe, uyawube sewuyati-ke kutsi nginguSimakadze.

Hezekeli 34:17

“ ‘Wena-ke, mhlambi wami, naku lokushiwo yiNkhosi Simakadze, itsi: Ngiyawukwehlulela emkhatsini wemvu nemvu nasemkhatsini wetihhanca netiphongo.

Hezekeli 34:25

“ ‘Ngiyakwenta sivumelwane sekuthula nato kutsi tilwane tesiganga ngitisuse eveni, khona timvu tami titewuhlala ehlane tilale emahlatsini tiphephile.

Hezekeli 37:26

Ngiyawukwenta sivumelwane sekuthula nabo, siyawuba sivumelwane saphakadze. Ngiyawubahlalisa kahle batinte, ngibente bandze, ngibeke indzawo yami lengcwele emkhatsini wabo phakadze naphakadze.

Levithikusi 26:25

Ngiyawuniletsela imphi itenijezisa ngekwephula kwenu sivumelwane. Niyawutsi nanihlangana emadolobheni enu etindzaweni tekuphepha, bese nginihlasela ngetifo letingelapheki, nivele niphoceleke kutinikela etitseni tenu.

Levithikusi 27:32

Konkhe kwelishumi emhlambini wetinkhomo netimvu, ngisho sonkhe silwane selishumi lesendlula ngaphansi kwendvuku yemelusi, siyawuba ngcwele kuSimakadze.

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”