Hezekeli 20:35 - Siswati 1996 Bible

³⁵ Ngiyawunimikisa ehlane letive, lapho-ke siyawube sibukene buso nebuso, ngiyawukhipha sigwebo senu kini.

Hezekeli 20:35 ပူးပေါင်းရင်းမြစ်များ

Tihlabelelo 74:22

Phutfuma, Nkulunkulu, utiphendvulele, ukhumbule labo labalibele, kutsi bakwetfuka imihla nemalanga.

Isaya 3:14

Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.

Jeremiya 2:35

wena utsi: ‘Angati lutfo; akangitfukutseleli.’ Kodvwa mine ngitakwehlulela, ngobe utsi: ‘Angikoni lutfo.’

Jeremiya 2:9

“Ngako-ke ngiyaphindza nginibeka emacala,” kusho Simakadze. “Yebo, nebantfwana bebantfwabenu ngiyawubabeka emacala.

Jeremiya 25:31

Sidvumo siyawuhokoma sivakale nasemikhawulweni yemhlaba, ngobe Simakadze tive uyawutibeka emacala, uyakwehlulela bonkhe bantfu, lababi abalalise phansi ngenkemba,’ ” kusho Simakadze.

Jeremiya 31:2

Naku lokushiwo nguSimakadze, utsi: “Sive lesisindze enkembeni siyawuzuza umusa ehlane; ngiyawuta ngitewuletsa kuphumula ka-Israyeli.”

Hezekeli 17:20

Ngiyawumendlalela linetha lami, uyawuvele abhajwe elugibeni lwami. Ngiyakumyisa eBhabhulona, ngikhiphe sigwebo kuye khona lapho, ngobe angazange etsembeke kimi.

Hezekeli 19:13

Nyalo sesihlanyeleke ehlane, eveni lelomile naleligagadzekile.

Hezekeli 20:36

Njengaloku ngagweba boyihlo ehlane laseveni laseGibhithe, nani ngiyakunigweba kanjalo-ke, kusho iNkhosi Simakadze.

Hezekeli 38:22

Ngiyawukhipha sigwebo sesifo lesibulalanako nesekucitseka kwengati; ngiyakwehlisela sihhuhhula semvula lenesangcotfo nesibabule lesivutsako etikwakhe nasetikwemabutfo akhe, nasetikwetive letinyenti letikanye naye.

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Hoseya 2:14

“Ngako-ke manje ngitamhhungula, ngimholele ehlane, ngikhulume naye kamnandzi.

Hoseya 2:16

“Ngalelo langa uyawungibita utsi: ‘Ndvodza yami,’ ungeke uphindze ungibite utsi: ‘Bhali wami,’ ” kusho Simakadze.

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Mikha 4:10

Shumpani nibubule, bantfu baseJerusalema, nilingise umfati aphetfwe ngumhelo nasatawubeleka, ngobe nyalo senitawuphuma ekhaya niyewuhlala etigangeni. Nitakuya eBhabhulona; noko lapho niyawusindziswa, Simakadze uyakunephula etitseni tenu.

Sembulo 12:14

Kodvwa lomfati wanikwa timphiko letimbili telusweti lolukhulu, kuze atewundiza abalekele lenyoka aye ehlane endzaweni lapho kufanele ondliwe khona, kuze kube sikhatsi netikhatsi nencenye yesikhatsi.

1 Samuweli 12:7

Nyalo-ke manini lapha, ngobe ngitawubeka embikwenu tizatfu lapha embikwaSimakadze ngato tonkhe tintfo letinhle letentiwe nguSimakadze kini naboyihlomkhulu.