Hezekeli 20:31 - Siswati 1996 Bible

³¹ Nanetfula tipho tenu, imihlatjelo lengemadvodzana enu emlilweni, nichubeka nekutingcolisa ngato tonkhe letithico tenu kuze kube ngulamuhla. Mine-ke sekufanele nginivumele yini kutsi nibute kimi, ninendlu yaka-Israyeli? Kona ngifunga kuphila kwami, ngingeke nginivumele nibute kimi, kusho iNkhosi Simakadze.

Hezekeli 20:31 ပူးပေါင်းရင်းမြစ်များ

Jobe 27:10

Uyawutijabulisa yini ngaSomandla? Uyawulibita ngaso sonkhe sikhatsi yini libito laNkulunkulu?

Jobe 27:8

Ngobe liyini litsemba lalongamesabi Nkulunkulu, nangabe asasusiwe, naNkulunkulu asatsatsa kuphila kwakhe?

Tihlabelelo 66:18

Kube bengicondze bubi enhlitiyweni yami, Simakadze abengeke angive.

Taga 28:9

Nangabe umuntfu angafuni kugcina umtsetfo, ngisho nemithandazo yakhe iyenyanyeka kuNkulunkulu.

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

Isaya 57:5

Nishiselwa tinkhanuko etihlahleni tema-okhi nangaphansi kwato tonkhe tihlahla letendlala emagala ato. Ninikela ngebantfwabenu emifudlaneni nangaphansi kwemifantfu yemadvwala.

Jeremiya 14:12

Nome bangazila, ngingeke ngikulalele kukhala kwabo; nome banganikela ngeminikelo yekushiswa nangeminikelo yalokutinhlavu, ngingeke ngibemukele. Esikhundleni saloko ngitababhubhisa ngenkemba, nangendlala, nangesifo lesibulalanako.”

Jeremiya 19:5

Bakhe tindzawo letiphakeme tekukhontela boBhali, bentela kushisa emadvodzana abo emlilweni abe ngiminikelo kuBhali, intfo lengingazange sengibayale ngayo futsi lengingazange sengiyisho, nalengazange seyifike nasengcondvweni yami.

Jeremiya 7:31

Bakhe tindzawo letiphakeme taseThofethi eSigodzini sakaBheni Hinomu kutsi bayewushisa emadvodzana nemadvodzakati abo emlilweni, intfo lengingazange ngibayale ngayo, futsi lengazange ingene nasengcondvweni yami.

Hezekeli 16:20

“ ‘Watsatsa emadvodzana nemadvodzakati akho lowangitalela wona, wawenta umhlatjelo wekudla kwetithico. Lobugwadla bakho babungakeneli yini?

Hezekeli 16:36

Naku lokushiwo yiNkhosi Simakadze, itsi: Ngenca yekutsi watfulula bunjinga bakho, weneka bungcunu bakho ebaleni ngebuphingi nangebugwadla bakho nalamashende akho, nangenca yato tonkhe letithico takho letinengekako, nangenca yekutsi watinika ingati yebantfwana bakho,

Hezekeli 20:26

ngabenta baba ngulabangcolile ngekwemtsetfo ngenca yetipho tabo, umhlatjelo wako konkhe lokulitubulo, khona ngitekubesabisa, kuze batekwati kutsi mine nginguSimakadze.’

Hezekeli 20:3

“Ndvodzana yemuntfu, khuluma kulabaholi bema-Israyeli, utsi kubo: ‘Naku lokushiwo yiNkhosi Simakadze, itsi: Nitele kutawubuta mine yini? Ngifunga kuphila kwami, ngingeke nginivumele kutsi nibute lutfo kimi, kusho iNkhosi Simakadze.’

Hezekeli 23:37

ngobe baphingile, nengati isetandleni tabo. Baphinge netithico tabo; baze benta nemhlatjelo ngebantfwababo lababengitalele bona kutsi babe kudla kwato.

Hezekeli 33:30

“Wena-ke, ndvodzana yemuntfu, bantfu bakini bakhuluma ngawe ngasetindvongeni nangaseminyango yetindlu, bakafana imilomo ngawe, batsi: ‘Wotani nitekuva livi leliphuma kuSimakadze.’

Amose 8:12

Bantfu bayawuyendza kusukela elwandle kuye kulolunye, bazulazule kusukela enyakatfo kuye emphumalanga, bafunana nelivi laSimakadze; kodvwa bangeke balitfole.

Zakhariya 7:13

“Simakadze longuSomandla utsi: ‘Ngatsi nangibabita bangete balalela ngekusabela, ngako-ke nabo nabamemeta, angizange ngibalalele.