Hezekeli 20:30 - Siswati 1996 Bible

³⁰ “Ngako-ke khuluma kuyo indlu yaka-Israyeli, utsi: ‘Naku lokushiwo yiNkhosi Simakadze, itsi: Nitawutingcolisa yini nani njengaloku boyihlo benta bakhanukana netitfombe tabo letenyanyekako?

Hezekeli 20:30 ပူးပေါင်းရင်းမြစ်များ

2 Tikhronike 30:7

Ningalingisi boyihlo nabomnakenu, labangazange betsembeke kuSimakadze, Nkulunkulu waboyisemkhulu, ngenca yaloko wabenta baba yinkoyoyo yekuhlupheka, njengobe nibona nje.

Tihlabelelo 106:39

Batingcolisa ngetintfo lababetenta, bangete betsembeka kuNkulunkulu, bafana netiphingi.

Jeremiya 16:12

Kodvwa nine senitiphetse kabi kakhulu kwendlula boyihlo. Bukani nje kutsi ngulowo nalowo wenu uyilandzela kanjani inkhani yenhlitiyo yakhe lembi, esikhundleni sekutsi ahloniphe mine.

Jeremiya 7:26

Kodvwa abazange bangilalele, abanginakanga nekunginaka. Bacinisa tinhloko tabo, benta tono letinyenti kakhulu kunaletentiwa boyisemkhulu.

Jeremiya 7:9

“ ‘Nisetakweba yini, nibulale, niphinge, nifungele emanga, nitfuncise imphepho kuBhali, nilandzele labanye bonkulunkulu leningazange senibati,

Jeremiya 9:14

Esikhundleni saloko, balandzele inkhani yetinhlitiyo tabo, balandzela boBhali, njengemfundziso yaboyise.”

Hezekeli 2:3

Watsi: “Ndvodzana yemuntfu, ngikutfumela kuma-Israyeli, esiveni lesihlubukako nalesingihlubukile; bona naboyise solomane bayangihlubuka kuze kube ngulamuhla.

Hezekeli 20:26

ngabenta baba ngulabangcolile ngekwemtsetfo ngenca yetipho tabo, umhlatjelo wako konkhe lokulitubulo, khona ngitekubesabisa, kuze batekwati kutsi mine nginguSimakadze.’

Hezekeli 20:29

Ngase ngitsi kubo: Iyini yona lendzawo lephakeme leniya kuyo?’ ” Kuze kube ngulamuhla solomane kusatsiwa yiBhama.

Numeri 32:14

“Nani-ke, ntalelwane yetoni, nime kuleyo ndzawo yaboyihlo, nentela kutsi Simakadze asitfukutselele kakhulu kunakucala sive sema-Israyeli.

Matewu 23:32

Chubekani-ke nicedzele loko lokwacalwa bokhokho benu!

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

Tikhulu 2:19

Kodvwa kwakutsi nje sikhulu singafa, bantfu babuyele etindleleni tabo letimbi kakhulu kunetaboyise, balandzele labanye bonkulunkulu, babakhonte, bakhotsame kubo. Bala kwehlukana netindlela tabo letimbi, nemikhuba yabo, nenkhani yabo.