Hezekeli 20:17 - Siswati 1996 Bible

¹⁷ Noko ngababuka ngesihawu, ngangete ngababhubhisa, ngangete ngabacedza ehlane.

Hezekeli 20:17 ပူးပေါင်းရင်းမြစ်များ

Nehemiya 9:19

“Noko ngenca yesihawu sakho lesikhulu awuzange ubashiye bodvwa ehlane. Emini insika yelifu ayizange iyekele kubahola endleleni yabo, kanjalo nasebusuku insika yemlilo ayizange iyekele kubakhanyisela indlela lababefanele bahambe ngayo.

Jeremiya 4:27

Naku lokushiwo nguSimakadze, utsi: “Live lonkhe litawuphundleka, noko ngingeke ngilibhubhise liphele nya.

Jeremiya 5:18

Simakadze utsi: “Noko ngisho nakulawo malanga ngingeke nginibhubhise nginicedze.

Hezekeli 11:13

Ngatsi ngisaphrofetha, Phelatiya, umsa waBhenaya, wafa. Ngawa ngebuso bami bubheke phansi, ngakhala kakhulu, ngatsi: “Hhawu, Nkhosi, Simakadze! Lensali yaka-Israyeli utayibhubhisa yonkhe yini?”

Hezekeli 20:22

Kodvwa ngasibamba sandla sami, nangenca yeLibito lami ngenta loko lokwakungaligcina lingakonakali emehlweni etive leto, lengangibakhiphe embikwato.

Hezekeli 7:2

“Ndvodzana yemuntfu, naku lokushiwo yiNkhosi Simakadze, eveni laka-Israyeli, itsi: Kuphela! Kuphela sekufikile emagumbini omane elive.

Hezekeli 8:18

Ngako-ke ngitawubesukela ngente kubo njengekwentfukutselo yami; ngingeke ngibabuke ngemehlo esihawu, futsi ngeke ngibayekele. Nome bangamemeta badzatimule etindlebeni tami, ngingeke ngibeve.”

Hezekeli 9:10

Ngako ngingeke ngibabuke ngemehlo esihawu, futsi ngeke ngibayekele, kodvwa ngiyakwehlisela etinhloko tabo loko labakwentile.”

1 Samuweli 24:10

Lamuhla utibonele ngewakho emehlo kutsi Simakadze abekunikele kanjani esandleni sami lapha emhumeni. Labanye bebatsi angikubulale, kodvwa mine ngakuhawukela, ngatsi: ‘Ngingeke ngiyiphakamisele sandla inkhosi yami, ngobe ingulogcotjiwe waSimakadze.’