Hezekeli 19:10 - Siswati 1996 Bible

¹⁰ “ ‘Unyoko abefanana nesihlahla semvini esivinini, sihlahla lesasihlanyelwe ngasemantini; sasitsela kakhulu futsi sinemagala laluhlata, ngenca yalamanti lamanyenti.

Hezekeli 19:10 ပူးပေါင်းရင်းမြစ်များ

Dutheronomi 8:7

Ngobe Simakadze Nkulunkulu wenu uniyisa eveni lelihle: live lelinemifula netitiba temanti, netiyalu letigeleta etihosheni nasetintsabeni;

Hoseya 2:5

Unina abengaketsembeki, wabemitsa ngekwelihlazo, watsi: ‘Ngitawulandzela emashende ami, labo labangipha kudla kwami nemanti ami, insontfo yami, nelineni yami, emafutsa ami kanye nesinatfo sami.’

Hoseya 2:2

“Yekhutani make wenu, mekhuteni, ngobe akasesiye umkami, nami angisesiyo indvodza yakhe. Ase akususe lokubukeka kwebugwadla ebusweni bakhe, nalokungetsembeki lokusemkhatsini wemabele akhe.

Hezekeli 19:2

“ ‘Maye, unyoko abelibhubesikati emkhatsini walamanye emabhubesi! Abelala phansi emkhatsini wemabhubesi lamancane, afuye emagomodlwane akhe.

Hezekeli 17:6

tahluma taba ngumvini lomfisha lowenabako. Kwatsi emagala awo agucukela ngakulo, kodvwa timphandze tawo tasala ngephansi kwalo; kanjalo-ke waba ngumvini lowaba nemagala lahluma, waba nemacembe lamanyenti.

Dutheronomi 8:9

live lapho singeke sesweleke khona sinkhwa, ningeke neswele lutfo; live lapho emadvwala akhona ayinsimbi, lapho ningemba khona litfusi etintsabeni talo.

Johane 15:1

“Mine ngingumvini longuwo sibili. Babe ungumlimi.

Tihlabelelo 1:3

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Tihlabelelo 128:3

Umkakho uyawufanana nemvini lotselako nasahleti endlini yakho, bantfwabakho babe njengemahlumela emncumo nase bahleti etafuleni lakho.

Hezekeli 19:13

Nyalo sesihlanyeleke ehlane, eveni lelomile naleligagadzekile.