Hezekeli 18:31 - Siswati 1996 Bible

³¹ Titsintsitseni kuto tonkhe letono tenu lebesenitentile, nitfole inhlitiyo lensha nemoya lomusha. Nitawufelani nje, ninendlu yaka-Israyeli?

Hezekeli 18:31 ပူးပေါင်းရင်းမြစ်များ

Hezekeli 36:26

Ngiyawuninika inhlitiyo lensha, ngifake umoya lomusha ekhatsi kini; ngiyawuyikhipha inhlitiyo lelitje kini, ngininike inhlitiyo yenyama.

Tihlabelelo 51:10

Hhawu, Nkulunkulu, dala kimi inhlitiyo lehlantekile, uvuselele kimi umoya wekulunga.

KubaseRoma 8:13

Ngobe naniphila ngekwenyama, nitawufa; kodvwa nangabe nibulala imisebenti yenyama ngaMoya, nitawuphila.

Hezekeli 11:19

Ngiyawubanika inhlitiyo yinye, ngifake umoya lomusha ekhatsi kubo; ngiyakuyisusa kubo inhlitiyo yabo yelitje, ngibanike inhlitiyo yenyama.

KubaseRoma 12:2

Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

1 yaPhetro 2:1

Ngako lahlani bonkhe bubi, nebucili bonkhe, nekutentisa, nemona, nako konkhe kuhleba.

Dutheronomi 30:19

“Lamuhla ngibita lizulu nemhlaba kutsi kube ngufakazi kini kutsi ngibeke embikwenu kufa nekuphila, tibusiso neticalekiso. Ngako khetsani kuphila, kuze niphile nine kanye nebantfwabenu,

Hezekeli 20:7

Ngabuye ngatsi kubo: “Ngulowo nalowo wenu akalahle letitfombe letenyanyekako lese nibeke emehlo enu kuto, ningatingcolisi ngaletitfombe taseGibhithe. NginguSimakadze Nkulunkulu wenu.”

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Dutheronomi 30:15

“Bukani: Lamuhla ngibeka embikwenu kuphila nentfutfuko, kufa nekubhubha.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaPhetro 1:14

Lalelani Nkulunkulu njengebantfwana bakhe, ningabuswa tinkhanuko tenu letatinibusa nisengakati lutfo ngekukholwa nguJesu Khristu.

YaJakobe 1:21

Ngako-ke lahlani yonkhe insila nalokubi lose kukunyenti, nemukele ngekutitfoba livi lelihlanyelwe kini, ngobe linemandla ekusindzisa imiphefumulo yenu.

Imisebenti yebaPhostoli 13:46

Kepha boPawula naBhanabasi bakhuluma ngesibindzi batsi: “Bekufanele kutsi livi leNkhosi likhulunywe kini kucala. Kepha njengobe ningalifuni, ningaticabangeli nine kutsi nifanelwe kuphila kwaphakadze, bhekani-ke sesiyanishiya siya kubetive.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

Matewu 23:26

MFarisi loyimphumphutse! Geza kucala lingekhatsi lendzebe, kuze kutsi nelingephandle ligezeke.

Matewu 12:33

“Nangabe sihlahla simnandzi, netitselo taso tiyawuba mnandzi, nome-ke nangabe sihlahla sisibi, netitselo taso tiyawuba timbi; ngobe sihlahla satiwa ngetitselo taso.

Jeremiya 32:39

Ngiyawubanika inhlitiyo yebunye nekwenta intfo yinye, khona batewuhlala bangesaba mine, loko kube lusito kubo nakubantfwababo emvakwabo.

Jeremiya 27:15

‘Angikabatfumi, baphrofetha emanga egameni lami,’ kusho Simakadze. ‘Ngako-ke ngitanicosha eveni lenu, niyawuze niphele, nine kanye nebaphrofethi labaphrofetha kini.’ ”

Jeremiya 21:8

Simakadze wakhuluma kuJeremiya, watsi: “Tjela sive, utsi: ‘Naku lokushiwo nguSimakadze, utsi: Buka la, ngibeka embikwakho indlela yekuphila neyekufa.

Isaya 30:22

Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”

Taga 8:36

kodvwa logeja kungitfola, utilimata yena, bonkhe labangitondzako batsandza kufa.”

Tihlabelelo 34:14

Khwesha kulokubi wente lokuhle; funisisa kuthula, ukubambisise.

YaJakobe 4:8

Sondzelani kuNkulunkulu, naye utawusondzela kini. Gezani tandla tenu, nine toni, nihlambulule tinhlitiyo tenu, nine bantfu labanetinhlitiyo letimbili.

2 Emakhosi 17:13

Simakadze abebayalile baka-Israyeli nebakaJuda ngabo bonkhe baphrofethi nebaboniswa bakhe, watsi: “Phendvukani etindleleni tenu letimbi. Nakekelani imiyalo yami netimiso tami, mayelana nawo wonkhe umtsetfo lengayala ngawo boyihlomkhulu kutsi bawulalele, nalengawetfula kini ngetinceku tami baphrofethi.”

Isaya 31:6

Buyelani kuNkulunkulu, nine ma-Israyeli, nine lesenimhlubuke kangaka.

Isaya 59:20

“Umhlengi uyawufika eSiyoni kulabo bakaJakobe labaphendvukako etonweni tabo,” kusho Simakadze.

Jeremiya 27:13

Uyawufelani wena kanye nebantfu bakho ngenkemba, nangendlala, nangesifo lesibulalanako, Simakadze layale ngako nome ngusiphi sive lesingayiwuyikhonta inkhosi yaseBhabhulona?

Hezekeli 43:9

Manje-ke ababususe kimi lobugwadla babo naletithico letingaphili temakhosi abo, ngiyawube sengihlala emkhatsini wabo phakadze naphakadze.

Jeremiya 4:4

Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”

Jeremiya 44:4

Nganitfumelela tinceku tami baphrofethi emaphindzephindze letatitsi: ‘Ningayenti lentfo lesinengiso kimi.’

Zakhariya 1:3

Ngako-ke tjela bantfu, utsi: Naku lokushiwo nguSimakadze longuSomandla, utsi: ‘Buyelani kimi,’ kusho Simakadze longuSomandla, ‘nami ngitawubuyela kini,’ kusho Simakadze longuSomandla.