Hezekeli 18:30 - Siswati 1996 Bible

³⁰ “Ngako-ke, awu, wenandlu yaka-Israyeli, ngiyawukwehlulela, ngulowo nalowo ngekwetindlela takhe, kusho iNkhosi Simakadze. Phendvukani! Gucukani kuto tonkhe tiphambuko tenu; khona-ke sono senu ngeke sibe kufa kwenu.

Hezekeli 18:30 ပူးပေါင်းရင်းမြစ်များ

Ezra 10:11

Manje vumani tono tenu kuSimakadze, Nkulunkulu waboyihlo, nente intsandvo yakhe. Tehlukaniseni kuletive letinitungeletile nakulabafati betive.”

Umshumayeli 12:14

Ngobe Nkulunkulu uyakuyehlulela yonkhe imisebenti lesiyentile, ngisho nalokufihlakele lesikwentako, nome kuhle nome kubi.

Umshumayeli 3:17

Ngacabanga enhlitiyweni yami, ngatsi: “Nkulunkulu uyakwehlulela labalungile nalababi, ngobe kutawuba nesikhatsi sako konkhe lokwentiwako, nesikhatsi sawo wonkhe umsebenti.”

Isaya 21:12

Umlindzi uyaphendvula, utsi: “Kuyeta kusa, kodvwa kusesebusuku. Nanifuna kubuta, butani, nibophindze nibuye futsi.”

Isaya 59:20

“Umhlengi uyawufika eSiyoni kulabo bakaJakobe labaphendvukako etonweni tabo,” kusho Simakadze.

Jeremiya 25:5

Batsi: “Gucukani nyalo, ngulowo nalowo kini, niyiyekele imihambo yenu lemibi kanye netento tenu letimbi, khona nitewuhlala kulelive Simakadze lanipha lona nine naboyihlomkhulu phakadze naphakadze.

Jeremiya 3:22

“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.

Jeremiya 35:15

Ngatfumela kini tonkhe tinceku tami baphrofethi emaphindzephindze. Babetsi: “Ngulowo nalowo kini kufanele atiyekele tindlela takhe letimbi, nijikise imihambo yenu. Ningacali nilandzele labanye bonkulunkulu kutsi nibakhonte. Nanenta njalo-ke, niyawuhlala kulelive lengalipha nine naboyihlo.” Kodvwa anikanginaki, futsi anikangilaleli.

Jeremiya 7:3

Naku lokushiwo nguSimakadze longuSomandla, Nkulunkulu wema-Israyeli, utsi: Guculani tindlela tenu kanye netento tenu tilunge, khona ngiyawunivumela kutsi nihlale kulendzawo.

Hezekeli 14:6

“Ngako-ke khuluma kuyo indlu yaka-Israyeli, utsi: ‘Naku lokushiwo yiNkhosi Simakadze, itsi: Phendvukani! Gucukani nishiye letithico tenu, nikulahle konkhe lokunengekako ningasakwenti.

Hezekeli 18:21

“Kodvwa nangabe umuntfu lomubi aphendvuka kuto tonkhe tono latentile, agcine tonkhe timiso tami, ente lokucotfo nalokulungile, akasayikufa, uyawuphila.

Hezekeli 18:29

Noko indlu yaka-Israyeli itsi: ‘Indlela yaSimakadze ayikalungi.’ Atikalungi yini tindlela tami, ninendlu yaka-Israyeli? Akusito tindlela tenu yini leti letingakalungi?

Hezekeli 24:14

“ ‘Mine Simakadze sengikhulumile. Sikhatsi sami sesifikile sekutsi ngikwente. Ngingeke ngisatibamba; ngingeke ngisaba nesihawu, futsi nenhlitiyo yami ingeke isabohla. Uyakwehlulelwa ngangekutiphatsa kwakho nangekwetento takho, kusho iNkhosi Simakadze.’ ”

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Hezekeli 33:20

Noko, wenandlu yaka-Israyeli, utsi: ‘Indlela yaSimakadze ayikalungi.’ Kodvwa ngulowo nalowo wenu ngiyakumehlulela ngekwetindlela takhe.”

Hezekeli 33:9

Kodvwa nangabe wena umecwayisa lomuntfu lomubi kutsi atiyekele tindlela takhe letimbi, yena angete atiyekela, lowo muntfu uyakufa ngenca yesono sakhe, kodvwa wena uyawube utisindzisile.”

Hezekeli 34:20

“ ‘Ngako-ke naku lokushiwo yiNkhosi Simakadze kubo, itsi: Bukani la, mine matfupha ngitakwehlulela emkhatsini wetimvu letikhuluphele netimvu letondzile.

Hezekeli 36:19

Ngabahlakatela emkhatsini wetive, basakateka emaveni ngemave; ngabehlulela ngangekwekutiphatsa kwabo, nangangekwenta kwabo.

Hezekeli 43:9

Manje-ke ababususe kimi lobugwadla babo naletithico letingaphili temakhosi abo, ngiyawube sengihlala emkhatsini wabo phakadze naphakadze.

Hezekeli 7:27

Inkhosi iyawulila, sikhulu sembatse kujabha, netandla tebantfu eveni tiyawuchachatela. Ngiyawubaphatsa njengalokufanele kutiphatsa kwabo, ngibehlulele njengekwemitsetfo yabo. Ngulapho-ke bayawungati khona kutsi mine nginguSimakadze.”

Hezekeli 7:3

Siphetfo nyalo sesifikile kuwe, ngiyawutfululela lulaka lwami etikwakho. Ngiyakukwehlulela njengekutiphatsa kwakho, ngikukhokhele ngangekwetento takho tonkhe letinengekako.

Danyela 9:13

Njengobe kubhaliwe emtsetfweni waMosi, yonkhe lenhlekelele yehlele etikwetfu, kodvwa tsine sisengakabufunisisi buso baSimakadze Nkulunkulu wetfu, ngekutsi siphendvuke etonweni tetfu, sinakekele ngekucophelela liciniso lakho.

Hoseya 12:6

Kodvwa wena kufanele ubuyele kuNkulunkulu wakho, umtsandze, ulalele imitsetfo yakhe, wente intsandvo yakhe, ulindzele Nkulunkulu wakho ngaso sonkhe sikhatsi.

Zakhariya 1:4

Ningafanani nabokhokho benu, lekwatsi baphrofethi bakucala nabakhuluma kubo, batsi: Naku lokushiwo nguSimakadze longuSomandla, utsi: ‘Phendvukani etindleleni tenu letimbi nakulokubi lenikwentako.’ Kodvwa abazange bangilalele, futsi abanginakanga nekunginaka, kusho Simakadze.

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Matewu 25:32

tonkhe tive temhlaba tiyawubutselwa embikwayo. Iyawubehlukanisa labanye kulabanye, njengemelusi ehlukanisa timvu netimbuti.

Matewu 3:2

atsi: “Phendvukani, ngobe umbuso welizulu sewusondzele.”

Matewu 3:8

Vetani titselo letikhombisa kuphendvuka.

Lukha 13:3

Cha! Nginitjela kutsi, nangabe nani ningatishiyi tono tenu, niyawubhubha njengabo.

Lukha 13:5

Cha! Nginitjela kutsi, nangabe nani ningashiyi tono tenu, niyawubhubha njengabo.”

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

YaJakobe 1:15

Nangabe inkhanuko seyitsatsile, itala sono; sono nase siphelele, sitala kufa.

1 yaPhetro 1:17

Nanimbita ngekutsi nguBabe, lowo lowehlulela ngaphandle kwekukhetsa buso bemuntfu, ehlulele ngekwemisebenti yemuntfu, hambani ngekwesaba kulesikhatsi nisetihambi kulomhlaba.

Sembulo 2:16

Phendvuka-ke. Nakungenjalo, ngitawuta kuwe masinyane, ngilwe nabo ngenkemba yemlomo wami.

Sembulo 2:5

Khumbula-ke lapho uwe khona. Phendvuka wente loko lowawukwenta ekucaleni. Nakungenjalo, ungaphendvuki, ngitawuta kuwe, ngisuse sibane sakho endzaweni yaso.

Sembulo 20:12

Ngabona labafile, labakhulu nalabancane, beme embikwaso lesihlalo sebukhosi. Tincwadzi tavulwa. Nalenye incwadzi yavulwa, incwadzi yekuphila. Labafile behlulelwa ngekwemisebenti yabo, ngaloko lokwakubhalwe etincwadzini.

Sembulo 22:12

Jesu utsi: “Lalela la, ngiyeta masinyane! Ngita nemvuzo wami, ngitewunika ngulowo nalowo njengekwemisebenti yakhe.