Hezekeli 17:18 - Siswati 1996 Bible

¹⁸ Wedzelela sifungo ngekwephula sivumelwane. Njengobe naye wafaka sandla kulesetsembiso, noko wenta tonkhe letintfo, kodvwa angeke aphunyule.

Hezekeli 17:18 ပူးပေါင်းရင်းမြစ်များ

2 Emakhosi 10:15

Asesukile lapho, wefika kuJehonadabi, umsa waRekhabi, labesendleleni ayemhlangabeta. Jehu wambingelela watsi: “Ume ngakimi yini, njengobe nami ngibambisene nawe?” Jehonadabi wamphendvula, watsi: “Yebo.” Jehu watsi: “Nangabe kunjalo; bamba ingalo.” Ngako Jehonadabi wachawula, Jehu wamdvonsa, amgibelisa encoleni yakhe.

1 Tikhronike 29:24

Tonkhe tiphatsimandla, nemachawe kanye nemadvodzana onkhe enkhosi Davide etsembisa kutfobela inkhosi Solomoni.

2 Tikhronike 30:8

Ningabi netinhloko letilukhuni njengaboyihlo, kodvwa titfobeni kuSimakadze. Wotani endzaweni lengcwele, layingcwelise kuze kube phakadze. Khontani Simakadze Nkulunkulu wenu, khona intfukutselo yakhe leyesabekako ingetikunehlela.

Umshumayeli 8:2

Ngitsi hlonipha umyalo wenkhosi ngenca yesifungo lowasenta kuNkulunkulu.

Sililo 5:6

Satinikela kubaseGibhithe nakubase-Asiriya, kuze sitfole kudla lokwenele.

Hezekeli 17:15

Kodvwa inkhosi lensha yayivukela inkhosi yaseBhabhulona ngekutsi itfumele emancusa ayo eGibhithe kutsi ayewutfola emahhashi nemphi lenkhulu. Iyawuphumelela yini? Uyawuphumelela yini umuntfu lowenta tintfo letinje? Angasephula yini sivumelwane aphindze aphumelele?

Hezekeli 17:16

“ ‘Ngifunga kuphila kwami, uyawufela eBhabhulona, eveni laleyo nkhosi leyambeka esihlalweni sebukhosi, lowo lowedzelela sifungo sayo wephula nesivumelwane sayo, kusho iNkhosi Simakadze.

Hezekeli 17:19

“ ‘Ngako-ke naku lokushiwo yiNkhosi Simakadze, itsi: Ngifunga kuphila kwami, ngiyakwehlisela etikwenhloko yakhe lesifungo sami lasedzelele, kanye nalesivumelwane sami lasephulile.

Hezekeli 21:23

Kuyawubonakala shangatsi lokuphengula kungemanga kulabo labafungele kuyihlonipha lenkhosi, kodvwa iyakubakhumbuta ngelicala labo ibatfumbe.