Hezekeli 16:21 - Siswati 1996 Bible

²¹ Wahlaba bantfwana bami wenta ngabo umhlatjelo kuletithico.

Hezekeli 16:21 ပူးပေါင်းရင်းမြစ်များ

2 Emakhosi 17:17

Benta imihlatjelo ngemadvodzana nangemadvodzakati abo bawashisa ngemlilo. Baphengula, babhula, batitsengisa ekwenteni bubi emehlweni aSimakadze, bamcunula.

2 Emakhosi 21:6

Wanikela ngendvodzana yakhe kutsi ishiswe ngemlilo, wangenela bungoma nemilingo, wabuye watihlanganisa nalabanemadloti kanye nalabaphengulako. Wenta lokubi kakhulu emehlweni aSimakadze, wamtfukutselisa.

2 Emakhosi 23:10

Inkhosi Josaya yahlazisa indzawo iThofethi, leyayiseSigodzini sakaBheni Hinomu, ngako kwabate umuntfu labengayisebentisa ekunikeleni indvodzana yakhe nome indvodzakati yakhe ngekutsi ishiswe ngemlilo kuMoloki.

2 Tikhronike 28:3

Watfuncisa imphepho eSigodzini sakaBheni Hinomu, wanikela ngemadvodzana akhe kutsi ashiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

Tihlabelelo 106:37

Banikela ngemadvodzana abo nemadvodzakati abo, kutsi abe yimihlatjelo yemadimoni.

Eksodusi 13:2

“Nikela kimi ngako konkhe kwematubulo. Konkhe lokuvula sitalo kuma-Israyeli, nome kwebantfu nome kwesifuyo, kwami.”

Jeremiya 19:5

Bakhe tindzawo letiphakeme tekukhontela boBhali, bentela kushisa emadvodzana abo emlilweni abe ngiminikelo kuBhali, intfo lengingazange sengibayale ngayo futsi lengingazange sengiyisho, nalengazange seyifike nasengcondvweni yami.

Hezekeli 20:26

ngabenta baba ngulabangcolile ngekwemtsetfo ngenca yetipho tabo, umhlatjelo wako konkhe lokulitubulo, khona ngitekubesabisa, kuze batekwati kutsi mine nginguSimakadze.’

Levithikusi 18:21

Unganikeli ngemntfwanakho kutsi abe ngumhlatjelo kuMoloki, ngobe kufanele ningalihlambalati libito laNkulunkulu wenu. NginguSimakadze.

Dutheronomi 18:10

Kubete emkhatsini wenu loyawutfolakala anikela ngendvodzana nome ngendvodzakati yakhe ngekuyengcisa emlilweni, kubete nalobhulako nome losangoma, nome lohumusha tigameko, angenele butsi,