Hezekeli 14:17 - Siswati 1996 Bible

¹⁷ “Nome kube bengingaletsa inkemba ngitewumelana nalelo live ngitsi: ‘Lenkemba ayidzabule kulo lonkhe lelo live,’ ngibulale bantfu balo netilwane talo,

Hezekeli 14:17 ပူးပေါင်းရင်းမြစ်များ

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 33:12

“Naku lokushiwo nguSimakadze longuSomandla, utsi: ‘Kulendzawo lelihlane lelingenabantfu netilwane, nakuwo onkhe emadolobha ayo kuyawuphindze kube nemadlelo, lapho iyawuphumulela khona imihlambi yetimvu neyetimbuti tebelusi.

Jeremiya 47:6

“Nikhala nitsi: ‘Awu, nkemba yaSimakadze, uyawudzimate uphumule nini? Buyela emgodleni wakho; sale uma ubindzise.’

Jeremiya 47:7

Kodvwa ingaphumula kanjani, nangabe Simakadze akhiphe umyalo kuyo kutsi ihlasele i-Ashkeloni nelusentse lwelwandle?”

Hezekeli 14:13

“Ndvodzana yemuntfu, nangabe live lona kimi ngekungetsembeki, bese ngelula sandla sami ngimelane nalo ngekuncamula umtfombo wekudla kwalo, ngitfumele indlala kulo, ngibulale bantfu labakulo kanye netilwane,

Hezekeli 14:18

iNkhosi Simakadze itsi: Ngifunga kuphila kwami, ngisho nome ngabe lamadvodza lamatsatfu abekulo, abengeke awasindzise emadvodzana nemadvodzakati awo. Ngawo kuphela labengasindziswa.

Hezekeli 21:8

Livi laSimakadze lefika kimi, latsi:

Hezekeli 25:13

ngako-ke, naku lokushiwo yiNkhosi Simakadze, itsi: Ngiyakwelula sandla sami ngimelane na-Edomu, ngibulale bantfu bakhe netilwane takhe. Ngiyakumenta abe lihlane, kusukela eThemani kuze kuyewufika eDedani bayawubulawa ngenkemba.

Hezekeli 29:8

“ ‘Ngako-ke naku lokushiwo yiNkhosi Simakadze, itsi: Ngiyawutfumela inkemba imelane nawe, ngibulale bantfu bakakho netifuyo tabo.

Hezekeli 33:2

“Ndvodzana yemuntfu, khuluma kubantfu bakini, utsi: ‘Nase ngiletsa inkemba ngimelana nelive lelitsite nebantfu balo, bese bakhetsa indvodza ibe yinye emkhatsini wabo bayente ibe ngumlindzi wabo,

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 5:17

Ngiyawutfumela indlala netilwane tesiganga letiyawumelana nani, futsi tiyawunishiya nite bantfwana. Tifo letibulalanako nekucitseka kwengati kuyawunikhukhula, ngiyawunihlasela ngenkemba leyawumelana nani. Mine, Simakadze, sengikhulumile.”

Hoseya 4:3

Ngenca yaloku live liyalila, nabo bonkhe labahlala kulo bayahusheka; tilwane tesiganga netinyoni tasemoyeni kanye netinhlanti taselwandle kuyafa.”

Levithikusi 26:25

Ngiyawuniletsela imphi itenijezisa ngekwephula kwenu sivumelwane. Niyawutsi nanihlangana emadolobheni enu etindzaweni tekuphepha, bese nginihlasela ngetifo letingelapheki, nivele niphoceleke kutinikela etitseni tenu.

Zefaniya 1:3

“Ngiyawutsanyela bonkhe bantfu netilwane; ngiyawutsanyela tinyoni tasemoyeni kanye netinhlanti taselwandle. Lababi ngiyakubacedza kanye nato tonkhe tikhubekiso, nase ngisusa bonkhe bantfu ebusweni bemhlaba,” kusho Simakadze.