Hezekeli 14:14 - Siswati 1996 Bible

¹⁴ ngisho nome nalamadvodza lamatsatfu, boNowa, naDanyela, naJobe bebakulo, bebayakutisindzisa bona kuphela ngekulunga kwabo, kusho iNkhosi Simakadze.

Hezekeli 14:14 ပူးပေါင်းရင်းမြစ်များ

Genesisi 6:8

Kodvwa Nowa watfola umusa kuSimakadze.

Genesisi 7:1

Simakadze watsi kuNowa: “Ngena emkhunjini wena nendlu yakho, ngobe sengibonile kutsi nguwe wedvwa lolungile kulesitukulwane.

1 Tikhronike 1:4

Emadvodzana aNowa bekuboShemi, naHhamu, naJafethi.

Jobe 1:1

Eveni lase-Usi kwakunendvodza, libito layo kunguJobe. Lendvodza yayimsulwa, ilungile, futsi imesaba Nkulunkulu, ikubalekela konkhe lokubi.

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Taga 11:4

Ingcebo ingeke isite lutfo ngelilanga lentfukutselo; kodvwa kutiphatsa kahle kusindzisa umuntfu ekufeni.

Jeremiya 11:14

“Wena-ke Jeremiya, ungabathandazeli labantfu, ungabaceleli, futsi ungabancuseli, ngobe ngingeke ngilalele nase bangibita ngesikhatsi selusizi lwabo.

Jeremiya 15:1

Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!

Jeremiya 7:16

“Ngako-ke, wena Jeremiya, ungabathandazeli labantfu, futsi ungabancuseli, ungabancengeli; ungangincengi nami, ngobe ngingeke ngikuve.

Hezekeli 14:16

iNkhosi Simakadze itsi: Ngifunga kuphila kwami, ngisho nome ngabe lamadvodza lamatsatfu abekulo, abengeke awasindzise emadvodzana nemadvodzakati awo. Ngawo kuphela labengasindziswa, kodvwa live lona beliyakuba lihlane.

Hezekeli 14:18

iNkhosi Simakadze itsi: Ngifunga kuphila kwami, ngisho nome ngabe lamadvodza lamatsatfu abekulo, abengeke awasindzise emadvodzana nemadvodzakati awo. Ngawo kuphela labengasindziswa.

Hezekeli 14:20

iNkhosi Simakadze itsi: Ngifunga kuphila kwami, ngisho nome ngabe boNowa, naDanyela, naJobe bebakulo, babengeke basindzise indvodzana nome indvodzakati. Bebayawutisindzisa bona kuphela ngekulunga kwabo.

Hezekeli 16:18

Watsatsa tembatfo takho letihlotjisiwe wembatsa tona, wase unikela ngemafutsa ami nangemphepho yami kuto.

Hezekeli 16:20

“ ‘Watsatsa emadvodzana nemadvodzakati akho lowangitalela wona, wawenta umhlatjelo wekudla kwetithico. Lobugwadla bakho babungakeneli yini?

Hezekeli 18:20

Umuntfu lowonako nguye loyakufa. Indvodzana ngeke iletfwale licala leyise, futsi neyise ngeke aletfwale licala lendvodzana. Kulunga kwalolungile kuyawukhokhelwa ngalokuhle kuye, nebubi balomubi buyawubitwa kuye.

Hezekeli 28:3

Uhlakaniphile yini kunaDanyela? Kute yini imfihlo lengakakhanyi kuwe?

Hezekeli 3:19

Kodvwa nangabe wena uyamecwayisa umuntfu lomubi, yena ajinge achubeke nebubi bakhe nome etindleleni takhe letimbi, uyakufa ngenca yesono sakhe, kodvwa wena uyawube utisindzisile.

Danyela 1:6

Emkhatsini wawo bekunemajaha labephuma kaJuda: boDanyela, naHananiya, naMishayeli, na-Azariya.

Danyela 10:11

Watsi: “Danyela, wena lotsandzekile, caphelisisa lamavi lesengitakutjela wona, sukuma ume, ngobe nyalo ngitfunyelwe kuwe.” Watsi kube asho njalo kimi, ngasukuma ngichachatela.

Danyela 9:21

ngatsi ngisesemthandazweni, kwefika Gabriyeli, leyo ndvodza lengangiyibone embonweni wakucala, wefika kimi njengembane, ngesikhatsi semnikelo wakusihlwa.

Danyela 9:23

Watsi nje ucala kuthandaza, wanikwa imphendvulo, lengitekutjela yona, ngobe utsandzekile. Ngako visisa lelivi, uwucondzisise lombono:

KumaHebheru 11:7

Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,