Hezekeli 13:5 - Siswati 1996 Bible

⁵ Anikenyukeli etulu etikhaleni letiselubondzeni lwendlu yaka-Israyeli, kutsi nitivale khona lutakuma lucine lulungele imphi ngelilanga laSimakadze.

Hezekeli 13:5 ပူးပေါင်းရင်းမြစ်များ

Hezekeli 22:30

“Ngafuna umuntfu emkhatsini wabo labengakha lubondza eme embikwami esikhaleni, emele lelive, kuze ngingetikulibhubhisa, kodvwa angitfolanga namunye.

Isaya 58:12

Bantfu bakini bayakutivusa tindzala takadzeni, bayawumisa tisekelo tasendvulo, wena uyawubitwa ngekutsi unguMvusi Wetindvonga Letiwile, uMlungisi Wetitaladi kutsi tibuye tibe nemakhaya.”

Tihlabelelo 106:23

Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Jeremiya 23:22

Kodvwa kube bebeme ebandleni lami, ngabe bamemetele emavi ami kubantfu bami, futsi ngabe babancandzile etindleleni tabo letimbi kanye nasetentweni tabo letikhohlakele.”

Isaya 13:9

Bukani, lilanga laSimakadze liyasondzela, lilanga lelinelulaka, nentfukutselo, nelulaka lolwesabekako; litekwenta live libe lihlane, libuye libhubhise netoni letikulo.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Sembulo 16:14

Bekungimimoya yemadimoni, lanemandla ekwenta tibonakaliso. Beyiphumele kuyawuhlanganisa emakhosi emhlaba wonkhe, iwalungiselela imphi yelilanga lelikhulu laNkulunkulu, Somandla.

Sembulo 6:17

ngobe lilanga lelikhulu lelulaka labo selifikile. Ngubani longaba nemandla ekuma?”

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.

1 kubaseThesalonika 5:2

Ngobe nine ngekwenu nati kahle kamhlophe kutsi lilanga leNkhosi liyawufika, njengelisela lifika ebusuku.

Malakhi 4:5

“Bukani la, ngiyawunitfumelela umphrofethi Elija, lingakefiki lelo langa lelikhulu nalelesabekako laSimakadze.

Joweli 3:14

Ticumbi ngeticumbi esigodzini sekwehlulela! Ngobe lilanga laSimakadze selisondzele esigodzini sekwehlulela!

Joweli 2:31

Lilanga liyawuba mnyama, inyanga ibe bovu njengengati, lingakefiki lilanga lelikhulu nalelesabekako laSimakadze.

Joweli 2:1

Vutselani licilongo eSiyoni, nilikhalise entsabeni yami lengcwele. Bonkhe labahlala eveni abatfutfumele, ngobe lilanga laSimakadze liyeta, yebo, selisondzele.

Joweli 1:15

Maye, lilanga lelesabekako! Ngobe lilanga laSimakadze lisedvute, lilanga Somandla layawuletsa ngalo imbhubhiso.

Hezekeli 30:3

Ngobe lilanga selisedvute, lilanga laSimakadze selisondzele, lilanga lemafu, sikhatsi sekubhubha kwetive.

Hezekeli 7:19

Bayawulahla isiliva yabo etitaladini, negolide yabo iyawuba yintfo lengcolile lengenamsebenti. Isiliva negolide yabo ingeke ikhone kubasindzisa ngelilanga lelulaka lwaSimakadze. Ingeke ikwesutsise kulamba kwabo, futsi bangeke batigcwalise tisu tabo ngayo, ngobe ngiyo lebente bakhubatela baze bangena esonweni.

Jeremiya 27:18

Nangabe babaphrofethi futsi banelivi laSimakadze, abakhulumisane naSimakadze longuSomandla, bancenge kutsi letimphahla letisasele ethempelini laSimakadze, nasesigodlweni senkhosi yakaJuda, naseJerusalema, tingatsatfwa tiyiswe eBhabhulona.’

Malakhi 1:9

Nitsi: “Ncusani kuNkulunkulu kutsi atewuba nemusa kitsi.” “Ngaleminikelo lenjena lephuma etandleni tenu utanemukela yini?” kusho Simakadze longuSomandla.

Jeremiya 15:1

Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!

Isaya 34:8

Ngobe Simakadze unelilanga lekuphindzisela, umnyaka wekubuyisela ngenca yendzaba yaseSiyoni.

Isaya 27:4

Angikatfukutseli. Kube mane bekunetinchachabutane nemanyeva langisukelako! Bengitawushuca ngiyekuwahlasela emphini; bengitawahloseka onkhe ngemlilo.

Isaya 2:12

Simakadze longuSomandla umise lilanga, ulibekele bonkhe labatigcabhako nalabatiphakamisako, nako konkhe lokuphakanyisiwe, kuze kutfotjiswe;

Tihlabelelo 76:7

Kodvwa uyesabeka, ngubani nje longema embikwakho, nase utfukutsele uvutsa lulaka?

Jobe 40:9

Unawo yini umkhono lofanana newaNkulunkulu? Lona liphimbo lakho liyadvuma yini njengelakhe?

1 Samuweli 12:23

Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.

Hezekeli 13:4

Awu, Israyeli, baphrofethi bakho bafanana netimphungutja letisemfuhlululwini.