Hezekeli 12:28 - Siswati 1996 Bible

²⁸ “Ngako-ke khuluma kubo, utsi: ‘Naku lokushiwo yiNkhosi Simakadze, itsi: Kute nalinye lemavi ami leliyawulibala, konkhe lengikushoko kuyawugcwaliseka, kusho iNkhosi Simakadze.’ ”

Hezekeli 12:28 ပူးပေါင်းရင်းမြစ်များ

Jeremiya 1:11

Livi laSimakadze lefika kimi, latsi: “Jeremiya, ubonani?” Mine ngaphendvula ngatsi: “Ngibona ligala lesihlahla se-alimondi.”

Jeremiya 1:12

Simakadze wakhuluma kimi, watsi: “Ubone kahle impela, ngobe ngicaphele kona kutsi livi lami ligcwaliseke.”

Jeremiya 1:13

Livi laSimakadze laphindza lefika kimi, latsi: “Ubonani?” Mine ngaphendvula ngatsi: “Ngibona libhodo lelibilako, litjekile lafulatsela inyakatfo.”

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Jeremiya 44:28

Labo labayawubalekela inkemba babuyele eveni lakaJuda besuke eGibhithe, bayawuba mbalwa kakhulu. Kuyawutsi-ke yonkhe insali yakaJuda leyeta kutawuhlala eGibhithe iyawukwati kutsi labani livi leliyawuma, lingagucuki, lami nome labo.

Hezekeli 12:27

“Ndvodzana yemuntfu, indlu yaka-Israyeli itsi: ‘Lombono lawubonako ngeweminyaka leminyenti kusukela nyalo, futsi uphrofetha ngetintfo letiyakwenteka kadzeni.’

Hezekeli 13:1

Livi laSimakadze lefika kimi, latsi:

Hezekeli 7:13

Umtsengisi angeke aphindze abuyelwe ngaloko lakutsengisile, yingci nabasaphila bobabili, ngobe umbono macondzana naso sonkhe lesicumbi ngeke usahlehliselwa nyovana. Ngenca yetono tabo, kute namunye wabo loyawuphephisa kuphila kwakhe.

Hezekeli 7:7

Kubhujiswa sekufikile kuwe, wena lohlala eveni. Sikhatsi sesifikile, lilanga selisondzele, kunekwesaba, hhayi kujabula etikwetintsaba.

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.