Hezekeli 12:15 - Siswati 1996 Bible

¹⁵ “Bayawukwati kutsi mine nginguSimakadze, nase ngibahlakatele emkhatsini wetive, ngibasakatele emaveni ngemave.

Hezekeli 12:15 ပူးပေါင်းရင်းမြစ်များ

Hezekeli 6:7

Bantfu bakini bayawubulawa bawele phansi emkhatsini wenu, kuze nati kutsi mine nginguSimakadze.

Hezekeli 12:20

Lamadolobha lanebantfu ayawudzilitelwa phansi, nalelive libe lihlane. Ngulapho-ke niyawungati khona kutsi mine nginguSimakadze.’ ”

Hezekeli 12:16

Kodvwa ngiyawubaphephisa labambalwa babo enkembeni, nasendlaleni kanye nasesifweni lesibulalanako, kuze kutsi kuleto tive lapho baya khona bativume tonkhe tento tabo letimbi letisinengiso. Ngulapho-ke bayawungati khona kutsi mine nginguSimakadze.”

Hezekeli 6:14

Ngiyakwelula sandla sami etikwabo, ngente lelive labo lisale likhala libhungane, kusukela ehlane kuze kuyewufika eDibla, kuyo yonkhe indzawo lapho bahlala khona. Ngulapho-ke bayawukwati khona kutsi mine nginguSimakadze.’ ”

Hezekeli 39:28

Lapho-ke bayawube sebayati kutsi mine nginguSimakadze longuNkulunkulu wabo, ngobe nome ngabayisa ekutfunjweni emkhatsini wetive, ngiyawuphindze ngibabutsisele eveni lelingelabo, ngingashiyi namunye ngemuva.

Hezekeli 33:33

“Kuyawutsi konkhe loku nase kwenteka, ngobe vele kutakwenteka, ngulapho-ke bayawukwati khona kutsi umphrofethi abesemkhatsini wabo.”

Hezekeli 28:26

Siyawuhlala lapho siphephile, sakhe tindlu, sihlanyele emasimi emagelebisi; sona siyawuhlala siphephile, nase ngehlisela sijeziso kubo bonkhe bomakhelwane baso labasidlela umona. Ngulapho-ke bayawukwati khona kutsi mine nginguSimakadze Nkulunkulu wabo.’ ”

Hezekeli 26:6

netabelo tayo letingaselwandle eveni layo tiyawuklabelwa ngenkemba. Ngulapho-ke bayawungati khona kutsi mine nginguSimakadze.

Hezekeli 25:11

iMowabi yona ngiyakuyishaya ngesijeziso. Ngulapho-ke bayakungati khona kutsi mine nginguSimakadze.’ ”

Hezekeli 24:27

Ngaleso sikhatsi umlomo wakho uyawuvuleka; uyawukhuluma naye ungasabindzi. Ngako uyawuba sibonakaliso kubo, futsi-ke bayawukwati kutsi mine nginguSimakadze.”

Hezekeli 14:18

iNkhosi Simakadze itsi: Ngifunga kuphila kwami, ngisho nome ngabe lamadvodza lamatsatfu abekulo, abengeke awasindzise emadvodzana nemadvodzakati awo. Ngawo kuphela labengasindziswa.

Hezekeli 11:10

Nitawubulawa ngenkemba, bese ngehlisela sigwebo kini ngaseminyeleni yaka-Israyeli. Ngulapho-ke niyawungati khona kutsi mine nginguSimakadze.

Hezekeli 7:4

Angiyikukubuka ngesihawu, nome ngikushiye, ngempela ngiyakukubuyisela njengekutiphatsa kwakho nangaletinengiso letisemkhatsini wenu. Ngulapho-ke niyawukwati khona kutsi mine nginguSimakadze.

Hezekeli 5:13

“Intfukutselo yami-ke iyakube seyiyaphela, nelulaka lwami kubo lubohle, ngikhipheleke sibhongo. Ngiyawutsi nase ngilukhiphele kubo lulaka lwami, bayawukwati kutsi mine Simakadze sengikhulumile ngenshisekelo yami.

Tihlabelelo 9:16

Simakadze sewutibonakalisile, wakhipha sigwebo sakhe, lababi babanjwa ngumsebenti wetandla tabo. Cabanga.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Jeremiya 29:18

Ngiyawubagijimisa ngenkemba, nangendlala, nangesifo lesibulalanako, ngibente banengeke kuyo yonkhe imibuso yasemhlabeni, babe yintfo yesicalekiso nesesabiso, intfo yekuhlekisa nelihlazo emkhatsini wato tonkhe tive, lapho ngibayisa khona.’

Jeremiya 49:32

“Emakamela abo atsi atawuba yimphango, nemihlambi yabo lemikhulu itawuba yimphango. Ngiyawubasakatela emoyeni labo labasemaveni lakhashane, ngiyawubehlisela tigemegeme letivela ndzawo tonkhe,” kusho Simakadze.

Hezekeli 5:10

Ngako-ke ngekhatsi kwakho boyise bayawudla bantfwababo, nebantfwana badle boyise. Ngitakushaya ngesijeziso, ngisakate yonkhe insali yakho emimoyeni.