Hezekeli 11:19 - Siswati 1996 Bible

¹⁹ Ngiyawubanika inhlitiyo yinye, ngifake umoya lomusha ekhatsi kubo; ngiyakuyisusa kubo inhlitiyo yabo yelitje, ngibanike inhlitiyo yenyama.

Hezekeli 11:19 ပူးပေါင်းရင်းမြစ်များ

2 Emakhosi 22:19

Njengobe inhlitiyo yakho itsintsekile, wase uyatitfoba embikwaSimakadze, nawuva loko lengikukhulumile ngalendzawo kanye nangebantfu bayo, kutsi batawucalekiswa balahlwe njengetibi, nekutsi njengobe uklebhule tingubo takho, wakhala embikwami, sengikuvile, kusho Simakadze.

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

Tihlabelelo 51:10

Hhawu, Nkulunkulu, dala kimi inhlitiyo lehlantekile, uvuselele kimi umoya wekulunga.

Isaya 48:4

Ngobe nganginati kutsi ninenkhani kangakanani. Imisipha yetintsamo tenu kutinsimbi, nemabunti enu kungewelitfusi.

Jeremiya 24:7

Ngiyawubapha inhlitiyo yekwati mine kutsi mine nginguSimakadze. Bayawuba bantfu bami, mine ngibe nguNkulunkulu wabo, ngobe bayawuphendvukela kimi ngayo yonkhe inhlitiyo yabo.

Jeremiya 31:33

Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.

Hezekeli 18:31

Titsintsitseni kuto tonkhe letono tenu lebesenitentile, nitfole inhlitiyo lensha nemoya lomusha. Nitawufelani nje, ninendlu yaka-Israyeli?

Hezekeli 37:14

Ngiyawufaka Moya wami kini, bese niyaphila, ngiyawunihlalisa eveni lenu. Lapho-ke niyawube seniyati kutsi mine Simakadze sengikhulumile, futsi sengikwentile, kusho Simakadze.’ ”

Zefaniya 3:9

“Tindzebe tetive ngiyawube sengiyatihlambulula-ke, kuze kutsi bonkhe lababite libito laSimakadze, bacela lusito kuye, bamkhonte bahlangene lihlombe ngelihlombe.

Zakhariya 7:12

Benta tinhlitiyo tabo taba lukhuni njengelitje, bangete bawulalela umtsetfo, bangawalaleli nemavi lakhulunywa nguSimakadze longuSomandla, lawatfumela ngaMoya wakhe ngebaphrofethi bakadzeni. Ngako-ke Simakadze longuSomandla watfukutsela kakhulu.

Lukha 11:13

Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”

Johane 14:26

Kepha uMeluleki, Moya Longcwele, Babe latamtfumela egameni lami, utanifundzisa konkhe, anikhumbute konkhe lenginitjele kona.

Imisebenti yebaPhostoli 4:32

Lesicumbi semakholwa sasimcondvo munye nanhlitiyo yinye. Akekho labetsi kwakhe ngekwakhe yedvwa, kodvwa bonkhe benetisana ngako konkhe labebanako.

KubaseRoma 11:2

Nkulunkulu akazange asilahle sive sakhe lasikhetsanchanti. Anati yini kutsi umBhalo utsini nga-Elija, nakamangalela ema-Israyeli kuNkulunkulu?

1 kubaseKorinthe 1:10

Bazalwane bami labatsandzekako, ngiyanincenga ngelibito leNkhosi yetfu Jesu Khristu kutsi nivumelane ngantfo yinye nonkhe; kubete kwehlukana emkhatsini wenu, kodvwa nipheleliswe emcondvweni munye nasembonweni munye.

2 kubaseKorinthe 3:3

Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

KubaseGalathiya 6:15

Ngobe kusoka nekungasoki akusilutfo kodvwa kuphela kudalwa kabusha.

Kubase-Efesu 4:23

nentiwe nibe basha emoyeni nasengcondvweni yenu.

Dutheronomi 30:6

Simakadze Nkulunkulu wenu uyawusoka tinhlitiyo tenu netinhlitiyo tetitukulwane tenu, kuze nitsandze yena ngayo yonkhe inhlitiyo yenu, nangawo wonkhe umphefumulo wenu, niphile.